کیا علم کہ کب جہاں سے ہم اٹھتے ہیں

پیر اپنے مگر سوئے عدم اٹھتے ہیں

ممکن نہیں عمر کو پلٹ کر دیکھے

انسان کے آگے ہی قدم اٹھتے ہیں

تشریح! "ازل تا ابد" ایک لفظ میں اللہ کے اسرار پنہاں ہیں۔ انسان ازل میں تخلیق ہوا، اور یہ پھر یہ تخلیق ایک متعین پروسیس Process کے تحت خود کو نمایاں کرتی ہوئی زمین پر آموجود ہوئی۔ زمین پر موجود ہونا اس بات کا ثبوت ہے کہ تخلیق ایسا عمل ہے جو ہر آن اور ہر لمحہ تغیر پذیر ہے ، بچہ جس روز پیدا ہوتا ہے اسی دن سے عدم کے سفر کی شروعات ہوجاتی ہے، بچپن عدم میں چلا جاتا ہے، پھر لڑکپن عدم میں چلا جاتا ہے، پھر جوانی عدم کی زینت بن جاتی ہے، اور بالآخر بڑھاپا زمین کو داغ مفارقت دے کر رخصت ہوجاتا ہے، جس طر ح زمین پر انسان ہر لمحہ ، ہرآن سفر میں ہے، کیا بعید کہ مقام ازل سے زمین تک آنے میں بھی انسان سفر میں ہو۔

قلندر بابا ؒ فرماتے ہیں ہر قد عدم کی طرف اٹھ رہا ہے بندہبشر می انتی ہمت ہی ہے کہ زندگی کے ماہ و سال کو پلٹ کر دیکھے ، اے انسان ٓ آگے بڑھتا چلا جا، پیچھے نہ دیکھ۔ قدرت اگر یہ چاہتی کہ انسان پیچھے بھی دیکھے تو گردن میں بھی ایک آنکھ لگادیتی ۔ ماضی جو گزر گیا ہاتھ نہیں آتا۔ مستقبل جو آنے والا ہے وہی ہماری زندگی ہے۔

________________

روحانی ڈائجسٹ: اپریل ۸۶، اپریل ۲۰۰۲

Topics

View

Sharah Rubaiyat

خواجہ شمس الدین عظیمی

ختمی مرتبت ، سرور کائنات فخر موجودات صلی اللہ علیہ وسلم کے نور نظر ، حامل لدنی ، پیشوائے سلسۂ عظیمیہ ابدال حق حضور قلندر بابا اولیاء ؒ کی ذات بابرکات نوع انسانی کے لیے علم و عرفان کا ایک ایسا خزانہ ہے جب ہم تفکر کرتے ہیں تو یہ بات روز روشن کی طرح عیا ں ہوجاتی ہے کہ اللہ تعالی نے جہاں آپ تخلیقی فارمولوں اور اسرار و رموز کے علم سے منور کیا ہے وہاں علوم و ادب اور شعرو سخن سے بہرور کیا ہے۔ اسی طرح حضوور بابا جی ؒ کے رخ جمال (ظاہر و باطن) کے دونوں پہلو روشن اور منور ہیں۔

لوح و قلم اور رباعیات جیسی فصیح و بلیغ تحریریں اس بات کا زندہ و جاوید ثبوت ہیں کہ حضور بابا قلندر بابا اولیاءؒ کی ذات گرامی سے شراب عرفانی ایک ایسا چشمہ پھوٹ نکلا ہے جس سے رہروان سلوک تشنۂ توحیدی میں مست و بے خود ہونے کے لیے ہمیشہ سرشار ہوتے رہیں گے۔

SEARCH TOPICS

کیا علم کہ کب جہاں سے ہم اٹھتے ہیں

Topics