Topics
مٹی سے نکلتے ہیں
پرندے اُڑ کر
دنیا کی فضا دیکھتے
ہیں مڑ مڑ کر
مٹی کی کشش سے اب
کہاں جائیں گے
مٹی نے انہیں دیکھ
لیا ہے مڑ کر
مزیدتشریح: یہ پرندے
جو اڑتے ہوئے نظر آتے ہیں ۔ مٹی سے پیداہوتے ہیں۔ زمین سے بہت دور فضا میں پرواز
کرتے ہوئے زمین کا نظارہ کرتے ہیں اور یہ سمجھتے ہیں کہ زمین سے بہت دور نکل آئے
ہیں۔ لیکن جس مٹی کی کشش سے ان کے بال و پر بندھے ہیں اس سے یہ کیسے آزاد ہو سکتے
ہیں۔
دیکھنے کی دو طرزیں ہیں۔ایک بالواسطہ اور دوسری براہراست۔ بالواسطہ دیکھنے کی طرز یہ ہے کہ پرندے اوپر سے نیچے دیکھ رہےہیں اور سمجھ رہے ہیں کہ ہم مٹی کی گرفت سے آزاد ہو چکے ہیں۔ براہ راست طرز یہ ہے کہ خود مٹی انہیں دیکھ رہی ہے اور مٹی کا دیکھنا ہی کشش ثقل (Gravity) ہے۔ ایک دن یہ مٹی اپنی کشش سے اس طرح کھینچ لیتی ہے کہ ہر ذی روح مٹی کے ذرات میں تبدیل ہو جاتا ہے۔
___________
روحانی ڈائجسٹ نومبر ۸۴
خواجہ شمس الدین عظیمی
ختمی مرتبت ، سرور
کائنات فخر موجودات صلی اللہ علیہ وسلم کے نور نظر ، حامل لدنی ، پیشوائے سلسۂ
عظیمیہ ابدال حق حضور قلندر بابا اولیاء ؒ کی
ذات بابرکات نوع انسانی کے لیے علم و عرفان کا ایک ایسا خزانہ ہے جب ہم
تفکر کرتے ہیں تو یہ بات روز روشن کی طرح عیا ں ہوجاتی ہے کہ اللہ تعالی نے جہاں
آپ تخلیقی فارمولوں اور اسرار و رموز کے علم سے منور کیا ہے وہاں علوم و ادب اور
شعرو سخن سے بہرور کیا ہے۔ اسی طرح حضوور بابا جی ؒ کے رخ جمال (ظاہر و باطن) کے
دونوں پہلو روشن اور منور ہیں۔
لوح و قلم اور
رباعیات جیسی فصیح و بلیغ تحریریں اس بات کا زندہ
و جاوید ثبوت ہیں کہ حضور بابا قلندر بابا اولیاءؒ کی ذات گرامی سے شراب عرفانی ایک ایسا چشمہ پھوٹ نکلا ہے جس
سے رہروان سلوک تشنۂ توحیدی میں مست و بے خود ہونے کے لیے ہمیشہ سرشار ہوتے رہیں گے۔
