TARAQQI OR TANAZZUL

sawal: aaj duniya me musalman man hais ul qoum ruswai or zillat se do char hain kiya is surat haal se nikalnay ki koi surat hai? agar hai to kia hai.

jawab: saari zindagi hum nay ye suna k quran paak me ghair al maghzob e alaihim walazzualleen ka matlab yahodi hain hamaray aslaaf nay humay ye bhi batay k yahodi kabhi bar sar e iqdtadar nahin ayn gay magar ak ki halat ibrat naak hai ek taraf tees lakh yahodi hain or dosri 90 carore musalman hain baat wahi rahi k jo qoumain apni halat nahin badalna chahtin ALLAH in ki halat me tabdeeli peda nahin kartay hum nay man hais al qoum ALLAH k banay huy qawaneen se nazar hata li hai or apnay aap ko sirf azaab o sawab k chakkar me mehdod kar liya hai takhleeqi formuloon se hum bilkul be behrah hogay hain ALLAH quran paak me irshad farmatay hain k hum nay zameen asman or is k andar jo kuch hai sub ka sub tumharay tabe farman kardiya hai tumharay liy soraj ko maskhar kardiya hai tumharay liy chand ko maskhar kardiya hai tumharay liy sitaron ko maskhar kar diya hai or hum hain k hum nay is taskheeri amal ko ko kabhi ankh utha kar bhi nahin dekha quran hamara hai or paak o ashgaf alfaz me kehta hai k lohay me insanon k liy beshumar faiday mehfoz hain zahir hai k quran ye keh raha hai k ye faiday jo ALLAH ny lohay k andar mehfoz kardiy hain inhyn talash karo or jab tum in faidon ko or jab tum in faidon ko talash kar lo gay to in se ALLAH ki makhlooq ko faidah pohunchay ga or ALLAH ki makhlooq me tumhari izzat o touqeer hogi ALLAH ka qanoon apni jagah bar haq hai jin logon nay lohay ki salahiyaton ko talash kiya wo log qoumi aitbar se izzat dar hogay or hum nay quran paak ki taleemat ko nazar andaz kiya hum zaleel o khuwar hogay kalma namaz rozah haj zakat apni jagah ahem hain farz hain zarori hain is liy k in arkan ki adaigi se roh ko taqwiyat milti hai rohani salahiyatain mutahrrik or bedar hoti hain lekin yahan mamla bilkul ulta or bar aks hai k ye pata hi nahin chalta k roh ki salahiyatein man hais al qoum ya infiradi tor par hamaray andar mojod bhi hain ya nahin is ki wajah sirf ye hai k hamaray andar tafakkur mojod nahin hain hum amal to kartay hain amal ki haqeeqat ki taraf mutawajja nahin hotay jab koi bandah jis ko ALLAH nay ilm ul yaqeen ki daulat se nawaza hai quran paak me tafakkur karta hai to is k samnay qoumoon k urooj o sawal ki tareekh ajati hai or wo is baat ka mushahidah kar leta hai k qoumoon ka arooj o zawal is baat p munhesar hai k ALLAH ki farmai hoi batoon par jin qoumoon nay tafakkur kiya wo sarfaraz hoin or jin qoumoon nay tafakkur ko nazar andaz kardiya hai wo qoumain ghulam ban gain.bari sitam zarefi hai k jab hum dekhtay hain k mojodah scinece ki taraqqi me wo tamam formulay kaam karrahay hain jo hamaray islam nay choray hain or jo fil waqiya hamara wirsa hai lekin chunkay hum nay is wirsa ko koi ahmiyat nahin di is liy dosray logon ny is se faidah utha lia or hum ek pasmandah qoum ban gay.

tarqqi or tanazzul jab zer behes atay hain to zhen is taraf bhi mutawajja hota hai k taraqqi ya tanazzul mein kon se awamil kar farma hain pichlay asbaq me hum bata chukay hain k infiradi ya ijtemai jiddo jehed k natejay me taraqqi naseeb hoti hai or infiradi ya ijtemai tasahil or aish pasandi k natejay me qoumoon ko urooj k bajay zawal naseeb hota hai taraqqi k bhi do rukh hain taraqqi ya izzat o tauqeer ki ek halat ye hai k kisi fard ya kisi qoum ko duniyawi izzat or duniyawi dabdaba or duniyawi shan o shoukat naseeb hai logon nay taraqqi taouqi lekin ye taraqqi istaghna k khilaf hoti hai taraqqi ka dosra rukh jo fil waqiya haqeeqi rukh hai is baat ki nishan dahi karta hai k shahood me rehtay huy ghaib ki duniya me jis faryad jis qoum ki rasai hoti hai dar asal wahi asal taraqqi izzat or shan o shoukat hai in do rukhon par agar ghoor kiya jaay to ye baat pori tarhan hamaray samnay ati hai k mojodah dor me science i taraqqi ka dar o madar sirf zahiri taraqqi hai be shak wo qoumain jinhon nay uloom me tafakkur kiya or jiddo jehed k natejay me nay nay ikhteraat kahin wo duniyawi aitbar se taraqqi yafta hai lekin jab hum dekhtay hain k yehi taraqqqi yafta qoumain sukoon or itmenan qalb se mehroom hain to ye baat samnay ati hai k yehi qoumain haqeeqat se be khabar hain ya haqeeqi duniya ka abhi in se koi wasta ya talluq nahin hai is liy k haqeeqat me zehni inteshar nahin hota haqeeqat k upper kabhi khouf or ghum k saay nahin mandlatay haqeeqi duniya se mutarruf loog hamesha pur sukoon rehtay hain mojodah dor be shak tarqqi ka dor hai lekin is taraqqi k sath sath jis qadar soubatein pareshaniyan or zehni inteshar se nou insani do char hoi hai wo is se pehlay k dor me nahin milti wajah sirf ye hai k is taraqqi k peechay zati munfaat hai wo infiradi ho ya qoumi ho agar ye taraqqi fil waqiya nou insan ki falah o behbod k liy hoti to qoumoon ko itmenan o sukoon naseeb hota infiradi ya ijtemai zehen k tarz e fikar me agar ye baat hoti k hamari koshish jiddo jehed or ikhtiraat se nou insani ko or ALLAH ki makhlooq ko faidah pohunchay to ye tarz e fikar ambiya ki tarz e fikar hai or ye tarz e fikar ALLAH ki tarz e fikar hai ye tarz e fikar admi k andar istaghna se peda hota hai istaghna hasil karnay ka asaan tareeqa ye hai k insan ki sooch or insan ki tarz e fikar is tarz e fikar se hum ahang ho jo ALLAH ki tarz e fikar hai hum jab zameen k upper mpjodaat ka muzahirah kartay hain to dekhtay hain k ALLAH nay beshumar wasail apni makhlooq k liy peda kiy hain lekin in wasail me se koi ek bhi aisa nahin hai jis ka talluq barah e rast ALLAH ki kisi zarorat se ho ALLAH har cheez se be niyaz hai ba wajod ye k har cheez se be niyaz hain or inhyn kisi cheez ki zarorat nahin wo apni makhlooq k liy ek qanoon k tehet tasalsul k sathwasail faraham kartay rehtay hain agar kisi mousam me aam ki zarorat hai to ek royn me darakht par phool ayn gay aam lagayn gay or in amoon se logon ki zaroriyat pori hoon gay chunkay insan wasail ka mohtaj hai is liy wo is tarhan k wasail se be niyaz nahin ho sakta k wo har taraf se apna rishta munqata kare lekin ye tarz e fikar wo ikhtiyar kar sakta hai hai k ye wasail jo meri jiddo jehed or koshish se wajod me mazhar me ayn hain pori mou insani ka hissa hain jis tarhan me in se faidah uthata hoon isi tarhan pori nou insani ko faidah uthanay ka pora pora haq hasil hai tarz e fikar hasil karnay k liy zarori hai k insan jis tarz e fikar ko hasil karna chahta hai is se zehni qurbat hasil ho maslan ye k agar aap kisi namazi se dosti karna chahtay hain to wo tamam mashaghil apna len jo ALLAH waloon k liy pasand dedah or marghob hain jis munasbat se in mashaghil ko ya in adaat ko ikhtiyar kartay chalay jayn gay usi munasbat se apki tarz e fikar badalti chali jaay gi ALLAH ki tarz e fikar ye hai k wo apni makhlooq ki khidmat kartay hain or is khidmat ka koi sila nahin chahtay bandah jab ikhtiyari tor par is tarz e fikar ko ikhtiyar kar leta hai k wo har haal me ALLAH ki makhlooq k kaam ay to isay ALLAH ki tarz e fikar muntaqil hojati hai or jab ye tarz e fikar gehri hoti hai to uska zehen har aan har lamhay is taraf mutawajja rehta hai k me wo kaam karrha hoon jo ALLAH k liy pasand dedah hai bar bar is adat ya amal ka adah honay se is k mushahidat me be shumar waqiyat aisay atay hain k is k andar ye yaqeen peda hojata hai k jo kuch horha hai jo kuch ho chuka hai ya jo aindah honay wala hai wo sub ALLAH ki taraf se hain isi talluq ko istaghna ka naam diya jata hai musalman qoum ka istaghna wirsa hai huzoor alehe salto wasalm ki sari zindagi is amal se ibarat hai k har cheez ki taraf se har baat or har amal admi is waqt anjam deta hai jab ALLAH cahatay hain burai or bhalai ka jahan tak talluq hai koi amal duniya me na bura hai na accha hai dar asal kisi amal me mani pehnana acha ya bura hai mani pehnanay se muraad niyat hai amal karnay se pehlay insan ki niyat me jo kuch hota hai wahi aachai ya burai k pehlo me zahir hota hai insan ko amal par ikhtiyar nahin hai insan ko niyat karnay par ikhtiyar hai aag ka kaam jalna hai ek admi aag ko logon ki falah o behbod k liy khana pakanay k liy istemal karta hai ye amal kher hai wahi admi is aag se logon k ghr jala dalta hai ye intehai darja burai hai mojodah dor k ulma fizla jo kuch kartay hain chunkay in ki niyat me nou insani ki falah nahin hai is liy tama amaal burai hain jin qoumon se hum maroob hain or jin jin qoumoon k hum dast nagar hain  in ki tarz e fikar ka agar ba ghor mutalla kiya jaay to baat dhoop ki tarhan roshan hai k science ki sari taraqqi ka zor is baat par hai k ek qoum iqtedar hasil kar le or sari nou insani is ki ghulam ban jay ya ejadat se itnay mali fawaid hasil kiy jaayn gay k zameen par ek makhsos qoum ya makhsos mulk maldaar ho jay or baqi insan ghareeb or maflook al haal ban jayn kiyun k is taraqqi me ALLAH k zehen k mutabiqnou insani ki falah muzmar nahin hai is liy ye saari taraqqqi nou insani k liy or khud in qoumoon k liy jinhon nay jiddo jehed or koshish k baad nai nai ejadaat ki hain musibat ban gain hain huzoor alehe salato wasalam k irshad ala k mutabiq wo loog jo rasikh fil ilm hain in ka yaqeen hai k har cheez ALLAH ki taraf se hai quran me ALLAH nay ye bhi irshad farmaya hai k har cheez ALLAH ki taraf se hai or ALLAH ki taraf loat jani hai jab tak admi k yaqeen me ye baat rehti hai k cheezon ka mojod hona ya cheezon ka adam me chalay jana ALLAH ki taraf se hai is waqt tak zehen ki markaziyat qayam rehti hai or jab ye yaqeen gher mustehkam hojata hai to admi aisay aqidon me or aisay waswason me giraftar hojata hai jin me zehni inteshar hota hai pareshani hoti hai ghum or khoof hota hai halankay agar dekha jaay to yee baat bilkul samnay ki hai k insan ka har amal har faal har harkat kisi aisi hansti k tabe hai jo zahirah ankhon se nazar nahin ati maa k pait me bacchay ka qayam 9 mahinay tak nasho numa k liy ghiza ki farahmi or peda honay se pehlay maa k seenay me doodh pedaish k baad do saal sawa do saal tak musalsal doodh ki farahmi doodh ka ghizaiyat se ek aitdaal k sath tawazun k sath bacchay ka barhna na sirf qadam barhana bulkay har aza ka apni munasbat or aitedal se rehna chota baccha barh kar 7 fit ka hojata hai jawani k taqazay in taqazon ki takmeel me wasail ki takmeel wasail farahm honay se pehlay wasail ki mojodgi agar ALLAH  zameen ko mana karden k wo khetiyan na ugaay to jawani k taqazay me husool rozgar mafkod hojay ga admi k andar rizq hasil karnay ka taqaza peda hota hai to is taqazay ki takmeel me pehlay se wasail mojod hojatay hain mojod wasail me insan jiddo jehed kar k apnay liy asaish or araam ka saman mohaiyya karta hai isi tarhan shadi k baad waldein k del me ye taqaza peda hota hai k hamara koi naam lenay wala ho is taqazay me intehai darja shiddat or is k natejay me maa baap banna maa baap k dil me mohabbat ka peda hona ghor talab baat ye hai k agar ALLAH waldein k dilon me mohabbat na dalein to aulad ki parwarish kis tarhan hosakti hai or aulad ki parwarish k liy waldein k dil me aulad ki mohabbat sirf insano k liy makhsos nahin hai har makhlooq me mohabbat ka ye jazba mushtarik hai or isi mohabbat k saharay maa baap apni aulad ki parwarish kartay hain nigehdasht kartay hain or in k liy wasail ikhatta kartay hain.

aam tor par ye tassur liya jata hai k mehnat or jiddo jehed k baghair wasail ka husool na mumkin hai jab kay hum dekhtay hain k jin wasail k husool me hum jiddo jehed or koshish kartay hain or ek qaiday or qanoon k tehet pehlay se mojod hain kisan jab mehnat kar k zameen me beej dalta hai or is beej ki nasho numa se insani zaroriyat k liy qisam qisam ki ghizayn faraham hoti hain ye sub is waqt mumkin hota hai k jab pehlay se wasail mojod hoon masaln zameen ka mojod hona zameen k andar beej ko nasho numa denay ki salahiyat hona beej ki nasho numa k liy pani ka mojod hona chandni ka mojod hona hawa ka mojod hona or mosam k lehaz se sard o garam fiza ka mojod hona agar beej mojod na hoya zameen k andar beej ko nasho numa denay ki salahiyat mafqod hojay ya pani mojod na ho to insani koshish tamam bekar sabit hogi mojodah dor ki tarqqi me buniyadi cheez bijli hai ALLAH k nizam k tehet agar pani k andar bijli mojod na ho to science ki koi bhi taraqqi mumkin nahin hogi ALLAH ka ye wasf hai k jab wo kisi cheez ko takhleeq kartay hain to is takhleeq se arbon kharbon takhleeqat wajod me ati hain mojodah dor me bijli ki misaal hamaray samnay hai ALLAH ki ek takhleeq bijli hai or is bijli k zariy hazarha ejadaat manzar e aam p a chukin hain arahin hain or aindah ati  rahayn gi ye surat e haal samnay rakhtay huy hamaray upper ye raaz munkashif hota hai k ALLAH nay wasail is liy takhleeq kiy hain k ALLAH ki ek makhsos makhlooq in wasail k andar makhfi ko talash kar k in se kaam lay.