SALAHIYATOON KA ZAKHIRAH

sawal: istaghna kiya hai? aam tor par khuwahishat se dast kashi ko istaghna kaha jata hai rohaniyat ki roshni me is ki wazahat farmayn.

jawab: science ki mojodah jitni bhi taraqqi ab tak samnay achuki hai jab hum is k afadi pehloaon par nazar daltay hain to hamaray samnay ye baat ati hai k nou insani ki fala wa behbod k parday me is taraqqi ka mahasil duniyawi lalach hai jitni bhi science ny taraqqi ki is taraqqi se nou insan mustafaiz hoi lekin jon logon ny ejadat kin in k peesh e nazar me mali or duniyawi munafat rahi hum tarze fikar k baray me wazeh tor par ye bayan kar chukay hain k duniya me jo kuch mojod hai is ka talluq bara h e rast tarz e fikar se hai ek tarz e fikar wo hai jis ka talluq barah raast ALLAH ki zaat se hai or ek tarz e fikar wo hai jis ka rabta ALLAH se qayam nahin hai ALLAH ki tarz e fikar ka mushahidah har aan or har ghari hota hai ALLAH ny khud quran me farmaya hai hamari nishaniyoon par ghoor karo or tafakkur karo or aqil baligh ba shaoor samajh daar or faheem loog wo hain jo hamari nishaniyon par ghor kartay hain ALLAH ki nishaniyon me zahir hawas se dekhay janay wali nishaniyan jin se hum har waqt mustafaiz hotay rehtay hain wo hawa pani dhoop or rang hain zameen k nash o numa or nai nai cheezein takhleeq krnay ki salahiyat hai ALLAH ny is ki kokh se asii aisi cheezein peda kin jin cheezon par na sirf ye k nou insani bulkay zameen k uppe jitni bhi makhlooq mojod hain is ki zindagi ka daro madar hai hawa ek aisi nishani hai jis se zameen par rehnay wala ek mutfans bhi mehroom nahin hai pani ek aisi nishani hai jo insan ki zindagi ko feed na karay to zindagi khatam hojay gi na sirf ye k insani zindagi khatam hojay gi pora saiiyarah zindagi se mehroom hojay ga yehi haal dhoop ka hai yehi haal chandni ka hai yehi haal darakhton k sar sabz shadab honay ka hai or yehi haal ran ba rangay phoolon ka hai ye sari cheezein barah e rast ALLAH ki takhleeq kardah hai  in takhleeqat par jab tafakkur kiya jata hai to bajuz is k koi baat samnay nahin ati k in tamam takhleqat se ALLAH ka mansha or maqsab ye hai k nou insani ko faidah pohunchay aisa faidah jis faiday k peechay koi gharz koi sila koi maqsad koi lein dain or koi karobar nahin hai agar ye kaha jay k ALLAH ny ye tamam cheezein is liy peda ki hain k banday ALLAH ki hakmiyat ko tasleem kartay huy is ki ibadat karen to phir hum ye kesay tasleem karen gay k jo loog ALLAH ki zaat wa sifaat ka inkar kartay hain or barmila kufr ki zindagi basar karhay hain hawa in ko bhi zindagi de rahi hai pani se wo bhi seraab ho rahay hain dhoop me jo hayatein or tawanai mojod hain in se bhi inhen faidah pohunch raha hai nou insani se hat kar sanp biccho or kan khajoray or beshumar hashraat al arz bhi ALLAH k is muft inam se mala mal hain is mukhtasar se tamheed se ye baat pori tarhan wazeh hojati hai k ALLAH ki tarz e fikar ye hai k wo jab inam farmatay hain to makhlooq ko bila takhsees is se faidah pohunchta hai or ALLAH ko makhlooq ki taraf se kisi sila ya sataish ki gharz nahin hoti bas ye in ki shan e kareemi hai k inhon nay makhlooq ko peda kiya or is makhlooq ko zindah rakhnay k liy itnay wasail faraham kardiy k al waqiya makhlooq is ka shumar bhi nahin kar sakti.

ALLAH wasail be had o hisaab ata farmatay hain is k bar aks jab hum scienci tarqiyat par nazar daltay hain to humay science ki har taraqqi me zati munfaat or duniyawi lalach milta hai ye wo tarz e fikar hai jo ALLAH ki tarz e fikar k mutazad hai zahir hai jo cheez ALLAH ki tarz e fikar k mutabiq nahin hai wo ALLAH k liy pasand dedah nahin hai jitna qarb ALLAH se banday ko hota hai isi munasbat se banday me ALLAH ki tarz e fikar muntaqil hoti rehti hai or is se aisay amaal sar zad hotay rehtay hai jin se makhlooq ko faidah pohunchta hai lekin is banday ka apna zati faidah kuch nahin hota tamam aulia karam ki zindagi is baat ki shahid hai k inhon nay nou insani ki jo bhi khidmat ki us khidmat k peechay in ka apna koi zati faidah nahin tha or agar kisi banday ka zati faidah hai to wo har giz aulia ALLAH ki sif ka bandah nahin hai koi admi apni koshish apni riyazat se apnay andar rohani salahiyaton ko bedar kar k yaqeenan kharq adaat ka izhaar kar sakta hai lekin agar is ki tarz e fikar ALLAH ki tarz e fikar se hum ahang nahin hai to ye tasawwuf nahin hai ek scine hai aisi science jo la mazhab loog ikhtiyar kar saktay hain or jesa k is zamanay me ho rha hai europe me jo rohaniyat k upper research ho rhi hai ya rohani nuqta nazar se baqol in k jo taraqqiyan hamaray samnay arhi hai in taraqqiyon me ek ye baat lagti hai wo ye k is taraqqi se hum nou insani ko kis tarhan tabah kar saktay hain is taraqqi se hum apna iqtidar kis tarhan mazbot kar saktay hain is taraqqi se hum dosray logon ko shikast khor wo qoum kis tarhan bana saktay hain yani admi apnay khaol k andar band aisi ijadaat ko jin aijadaat ka faidah barah e rast ALLAH ki makhlooq ko nahin pohunchta or agar kisi takhleeq ka faidah pohunchta bhi hai to wo bhi ba amar majbori pohunchta hai ab tak k halat shahid hain k jin logon nay scienci taraqqi hasil ki hai or jo qoumain duniya me sub se agay hain wahan ek hi kashmakash milti hai k hum kis tarhan dosron ko nest o nabod kar k ghalib ajayn.ye is waqt hai jab koi taraqqi barah e rast taraqqi nahin hai jo bhi taraqqi ab tak hoi hai ya aindah hogi ya ho chuki hai is k masala par ghor kiya jaay to is masala ki takhleeq koi nahin bijli ALLAH ki ek takhleeq hai bijli ko daryaft karnay ka sahara be shak admi k sir par bandha hua hau lekin ye k bijli is ny peda kar di hai ye baat sahi nahin hai bijli ALLAH ka ek inam hai sawal ye hai k agar ALLAH zameen k sotay khushk kar den ya paharoon se absharein girna band hojayn badal barsna chor den saray samandar khushki ban jayn is waqt bijli kaha se peda hogi bijli peda hona to ek jumla mafroza hai zindagi hi khatam hojay gi ambiya karam ki talimaat par rohani nuqta nazar se or qalbi mushahiday k sath ghor kiya jaay to pata chalta hai k ambiya ki sari taleemat ka nichor ye hai k banday ki zindagi ko ALLAH ki taraf mor dia jaay yani agar bandah infiradi tor par zindah rehta hai to is liy zindah na rahay k is ko is ki marzi k baghair ALLAH ny peda kiya is liy k ALLAH chahtay hain k wo zindah rahay agar ALLAH nny is k andar salahiyaton ka zakherah jama kar diya hai to jab ALLAH isay tofeeq den or in salahiyaton ka istemal karen to is k zehen me ye baat rahi k meri salahiyaton ka izhar is liy horha hai k is se ALLAH ki makhlooq ko faidah pohunchay ye kehna k istaghna ka matlab ye hai k admi apni khuwahishat ko khatam karde har giz sahi nahin hai ye sarasar kotah aqli ki daleel hai is liy k zindagi bajay khud khuwahishat ka naam hai zindagi se khuwahishat ko nikaal diya jaay to zindagi roshniyon me tehleel hojay gi kuch bhi baqi nahin rahay ga kia pani peena bhook lagna sonay or jagnay ka taqaza bacchon ki khuwahish peda hona bacchon ki tarbiyat karna ALLAH k samnay jhukna ka taqaza peda hona khuwahishat nahin hain ye sub khuwahishat hain?muraad ye hai k tamam khuwahishat pori ki jaay magar khuwahishat ko pora karnay me insan ka zehen ye ho k ALLAH chunkay ye chahtay hain is liy hum ye karrahay hain istaghna se muraad ye bhi nahin hai admi sari zindagi rozah rakhta rahay istaghna se muraad ye bhi nahin hai k ALLAH wasail ata farmayn or admi sokhi roti khata rahay istaghna se muraad ye hai k jo kuch karay ALLAH k liy karay ALLAH agar atlas wa kamkhuwab k kapray pehnata hai to wo kapray is liy pehnay k ALLAH ny pehnay hain ALLAH agar taat k kapray pehnay to admi is se bhi itna hi khush rahay jitna wo itlas or kam khuwab k kapray pehen kar khush hota hai admi ko ALLAH murgi khilay to wo murgi khay lekin agar halat k taqazay k tehet admi ko chutny se roti milay ya ek waqt roti milay to is me bhi itna hi khush rahay jitna wo murgi kha kar khush hua tha or ye surat haal is waqt peda hoti hai jab admi k zehen me ye baat rasikh hojay k hamari zindagi ki harkat par amal hamari guftar ki buniyad ALLAH ka ek inam hai ALLAH ny humay bolnay ki salahiyat di hum boltay hain.ALLAH nay humay sunnay ki salahiyat ata ki hum suntay hain ALLAH ny humay sochnay samajhnay or tafakkur karnay ki salahiyat ata ki hum sochtay hain tafakkur kartay hain or jo kuch kartay hain is liy kartay hain k ALLAH chahtay hain k aisa kiya jaay.

isi qisam or isi qabeel k logon k liy irshad e khuda wandi hai or wo loog jo rasikh fil ilm me kehtay hain k ye baat yaqeen or mushahiday me hain k har baat har cheez man janib e ALLAH hai is ayat k mafhoom par ghor kiya jaay to sochnay or samajhnay k kai rukh mutaiyyan hotay hain tafseel me janay k bajay hum do rukhon ka tazkirah kartay hain ALLAH ka irshad hai k wo loog almi aitbar mustehkam zehen rakhtay hain yani aisa zehen jis me shak o shuba ki gunjaish nahin hai aisa zehen jo shetani waswason se paak hai aisa zehen jis k andar kasafat or almi alodgiyan nahin hai almi kasafat or almi alodgi se muraad ye hai k is ilm se bandon ko takleef pohunchay jis ko arf e aam me takhreeb ka ilm kaha jata hai or wo loog jo ilmi aitbar se aisi masnad par qayam farma hainjis par shakok wa shabahat ki chap nahin hai wo kehtay hain k hamara yaqeen or eman hai k har cheez is duniya me koi bhi hesiyat rakhti ho choti ho bari ho rahat ho takleef ho har cheez ALLAH ki tararf se ho is ayat e mubarka me mukhtasar do rukhon ka zikar is tarhan hai k kuch loog hain jo rasikh fil ilm hain or in logon ka kehna hai ya in logon ko pehchan ye hai ya in logon ki tarz e fikar ye hai k ye baat in k mushahiday me hoti hai k kainat me jo kuch mojod hai jo ho chuka hai ho rha hai ya aindah honay wala hai is ka barah e rast talluq ALLAH ki zaat se hai yani jis tarhan ALLAH k zehen me hain isi tarhan is cheez ka ya is amal ka muzahirah horha hai ya falastiniya tarz e fikar ko nazar andaz kartay huy aam satah par hum is baat ko chand misaloon me peesh karna chahtay hain.tarz e fikar k baray me ye baat wazeh tor par samnay achuki hai k zindagi ka har amal apni ek hesiyat rakhta hai is hesiyat me mani pehnana dar asal tarz e fikar me tabdeli hai hamara ye eman hai k har cheez jis ka wajod is duniya me hai ya aindah hoga wo loh mehfoz par likkhi hoi hai yani duniya me koi cheez is waqt tak mojod nahin hosakti jab tak k pehlay se loh mehfoz par mojod na ho koi admi is liy peda hota hai k wo peda honay se pehlay loh mehfoz par mojod hai zindagi k nashaib o faraz se isliy guzarta haik zindagi k nashaib o faraz din or mah o saal k waqfay loh mehfoz par mojod hain ye alag baat hai k in waqfoon time ki hesiyat kiya hai?ek admi jab aqil baligh or ba shoor hota hai to is ko zindagi guzarnay k liy wasail ki zarorat peesh ati hai or wasail ko hasil karnay k liy rupay paisa buniyadi hesiyat rakhta hai baat is tarhan hai k ek admi k liY ALLAH ny ek lakh rupay mutaiyyan kiy or wo ek lakh loh mehfoz par likkhay gay jis tarhan ek lakh rupay bank me jama kardiya jata hai isi tarhan ek lakh rupay pehlay se loh mehfoz par jama hai wasail ko hasil karnay k liy admi koshish or jaddu jehed karta hai jesay jesay jaddo jehed or koshsih k marahil tay kartay hain is ko rupay milta rehta hai or zaroriyat pori hoti rehti hain lekin ye baat apni jagah atal hai k k agar loh mehfoz par is k hissay ka zar mubadla mutaiyun na ho to isay duniya me kuch nahin mil sakta ek tarz e fikar ye hai k admi ba wajod is k k zameer malamat karta hai apni rozi ko haram tareeqay se hasil karta hai dosra admi is baat ki koshish karta hai k rozi halal ho rizq halal se mein bhi do do roti khata hai or rizq haram se bhi wo shikam seri karta hai lekin ye baat apni jagah muslim hai k is duniya me isay jo kuch mil raha hai wo loh mehfoz se mil raha hai or loh mehfoz me wasail is k liy pehlay se mutaiiyun hain ek admi mehnat mazdori kar k zameer ki roshni me rupiya pesa hasil karta hai dosra admi zameer ki parwah na kartay huy rupiya hasil karta hai dono surton me isay itna hi rupiya mil raha hai jo ALLAH ny pehlay hi is k liy jama kardiya hai is liy k jab tak loh mehfoz par koi cheez naqsh nahin hoti duniya me is ka muzahirah nahin hota ye bari ajeeb baat hai or darja nadani or be waqofi hai k amdi apni har cheez ko haram kar deta hai or apni har cheez ko halal kardeta hai qanoon ye hai k jo cheez looh mehfoz par par naqsh hogai is ka muzahirah lazim ban jata hai rasikh fil ilm loog is baat ka mushahidah kar letay hain k har mazhar ka talluq har amal ka talluq har harkat ka talluq loh mehfoz se hai is liy wo bar mila is ka elaan kartay hain k har cheez ALLAH ki taraf se hai or is elaan k sath sath is baat par yaqeen rakhtay hain k ALLAH ny hamaray liy jo kuch mutaiyyun kar liya wo zaror milay ga is k sath sath in ki nazron k samnay ye baat bhi ajati hai k hamaray liy loh mehfoz par itna sarmaya itnay wasail makhsos kardiy gay hain bilkul is tarhan jesay admi ko ye maloom ho k bank me meray naam se ek carore rupiya jama hai kiyun k muzahirati tor par ye baat is k yaqeen me hai k meray naam se ek carore rupiya jama hai wo is baat se mutmaen rehta hai rasikh fil ilm loog chunkay loh mehfoz k naqoossh ka muzahirah kar letay hain is liy wo kisi takleeq ko ya kisi araam ko arzi takleef ya arzi kami samajhtay hain or is mushahiday k baad in k zehen me ye baat rasikh hojati hai k hamaray liy ALLAH ny jo naimtein makhsos kar di hain wo humay har haal me mayassar ayn gi or ye yaqeen in me istaghna ki taqat peda kar deta hai murshad qareem qalandar baba auliya ny mujh se farmaya k istaghna baghair yaqeen k peda nahin hota or yaqeen baghair mushahiday k takmeel nahin pata or jis admi me istaghna nahin hai is admi ka talluq ALLAH se kam or mawiyat se ziyadahh rehta hai tasawwuf or rohaniyat dar asal aisay asbaq ki dastaweez hai jin asbaq me ye baat wazahat k sath bayan ki gai hai k sukoon k liy zarori hai k admi k andar istaghna ho istaghna k liy zarori hai k ALLAH par tawakkal ho tawakkal ko mustehkam karnay k liy zarori hai k admi k andar emaan ho or enaam k liy zarori hai k admi k anadar wo nazar kaam karti ho jo nazar ghaib me dekhti hai basurat e degar kisi banday ko kabhi sukoon mayassar nahin asakta aj ki duniya me ajeeb surat e haal hai k har admi duniya k peechay bhag raha hai har admi dolat k ambar apnay gird jama karna chahta hai or ye shikayat karta hai sukoon nahin hai sukoon nahin hai sukoon har giz koi arzi cheez naahin hai sukoon ek aisi kefiyat ka naam hai jo yaqeeni hai or jis k upper kabhi mout waqiya nahin hoti aisi cheezon se jo cheezein arzi hain fani hain or jis par hamari zahirah ankhon k samnay bhi mout warid hoti rehti hai in se har giz sukoon hasil nahin hosakta maraqba is silsilay me ek aisi koshish hai jis koshish par ye tarzein mutaiyan hain k admi fani or madi cheezon se apnay zehen ko hata kar haqeeqi or la fani cheezon me tafakkur kare ye tafakkur jab qadam qadam chala kar ghaib ki duniya me kisi banday ko pohunchta hai to sub se pehlay is k andar yaqeen peda hota hai jesay hi yaqeen ki kiran dimag me phonti hai wo nazar kaam karnay lagti hai jo nazar ghaib ka mushahidah kati hai ghaib me mushahiday k baad kisi banday par jab ye raz munkashif hojata hai k sari kainat ki baag dor ek wahid hansi k hath me hai to is ka tamam tar zehni rujhan is zaat par markoz hojata hai or is markaziyat k baad istaghna ka darakht admi k andar shakh dar shakh phelta rehta hai.