ALLAH KAY DOST

sawal: insani zindagi ka daromadar itla par hai kia mout k baad bhi itlaat ka silsila jari rehta hai? tasawwuf k hawalay se tashreeh farmayn.

jawab: ye baat kai baar pori tarhan wazeh ki gai hai k insani zaindagi ka daromadar mehez or mehez itla ya khabar k upper hai hum jab zindagi me kaam karnay walay taqazon ka tajziya kartay hain to hamaray upper is baat ka inkishaf hota hai k darasal zindagi me kaam anay wala har jazba khabar ya itla hai ye baat bhi batai ja chuki hai k khana admi is waqt khata hai jab isay bhook lagti hai pani admi is waqt peeta hai jab isay piyas lagti hai sonay k liy bistar par is waqt letta hai jab isay sona hota hai neend se is waqt bedar hota hai jab isay dimag is baat par amadah karta hai k mazeed sona jismani or dimagi sehet k liy muzar hai apnay bacchon se piyar admi is buniyad par karta hai k shaori or la shaori aitbar se ye baat is k ilm me hai k ye is k bacchay hain agar cha wo dosray bacchon se bhi muhabbat karta hai or in k sath shafqat se peesh ata hai lekin apni aulad or dosray ki auladme behre haal imtiyaz barqarar rehta hai bacchay bahesiyat bacchon k sub barabar hain bholay bhalay masoom chehray sub bacchon k hotay hain in ki piyari or khush karnay wali batein bhi ek si hoti hain bacchon ka mizaj bhi taqreeban yaksan hota hai lekin humy ye itla hai k ye bacchay hamaray hain or wo bacchay falan k hain ye itla ya khabar muhabbat or shafqat me ek had fasil peda kar deti hai aurat ba hesiyat e aurat k aurat hai duniya ki tamam autein ek se khado khaal par mushtamil hain lekin jab rishta zer e behes ata hai to humy ye itla milti hai k ye aurat hamari behen hai ye aurat hamari maa hai ye aurat hamari bewi hai wagherah wagherah is ka saaf matlat ye hai k itla ny ek hi hansti k rishtay alag alag mutaiyun kardiyek admi raat din mehnat kar k paseena baha kar rozi hasil karta hai is rozi k husool k doran is k dimag me ye baat mojod hai k ye rozi halal hai dosra admi pehly admi se buhut ziyada mehnat karta hai lekin is k dimag me ye itla ya khabar ya ye mafhom mojod hai k ye rozi halal nahin hai dono admi ata kharidtay hain atay se roti pakti hai or dono admi roti khatay hain magar itla ki buniyad par ek khana halal qarar pata hai or dosra khana haram qarar pata hai yehi haal hamari jismani sehet or bemari ka bhi hai bemar honay se pehlay har admi k upper kam o besh ye kefiyat zaror tari hoti hai k wo bemar hai natejay me wo bemar hojata hai ek admi acha khasa betha hua hai tabiyat me agar kaslamandi hai aisab me zara sa khichawat hai wo is baat ka izhar is tarhan karta hai k meri tabiyat kharab hai or mujhy bukhar honay wala hai natejay me isay bukhar hojata hai jab tak koi admi bemari ki itla qubool nahin kar leta wo har giz bemar nahin hota ye qanoon hai or bemari choti ho ya bari is ki koi takhsees nahin hai ye baat bari ajeeb hai k koi admi apni marzi se bemar hota hai lekin qanoon ye hai ya loh e mehfoz par ye likkha hua hai k jab tak koi admi bemari ki itla ko qubool nahin karta bemar nahin hosakta yehi haal mout ka bhi hai jab tak koi admi zehni ya shaori tor par la shaor me zakherah mout ki itla qubool nahin karta wo har giz nahin marta ye bhi buhut ajeeeb baat hai kiyun k admi is duniya me aisa peda nahin hua jo khud apni marzi se marna chahta ho leki qanoon apnio jagah atal hai is liy k na sirf zindagi bulkay mout bhi ek itla hai yahan ek aitraz kiya ja skta hai k sahab!infaradi tor par ba amar majbori is qanoon ko maan letay hain lekin ye jo hadsati moutein hojati hain ya jangon me hazaron lakhon admi mar jatay hain ye to nahin chahtay k hum mar jay ek dushman ny hamla kar k in k upper mout musallat kardi halan kay wo marna nahin chahtay thy aisa nahin hai fil waqiya wo sub marna chahtay thy is liy mar jatay hain zindagi k tarz e amal ko agr buhut ghor se dekha jay zindagi me kaam karnay wali tarzon ki chan phatak ki jay or is k sath sath asmani sahaif k bayan karda qawaneen ka mutalla kiya jaay to ye baat buhut asani se samajh ajati hai wo ye hai k admi ki zindagi hama waqt har aan or har lamha do dairon me safar karrhi hai ek daira shaori hai or dosra la shaori hai qudrat ny ye baat mutaiyyun kar di hai k is qisam k amal o halat or is qisam ka tarz e amal qaoumon ko tabah kardeta hai or is qisam ka tarz e amal qaoumon ki ragon me zindagi ban jata hai jo qoumain apni zindagi yani roh se dor hojati hain wo qoumain mar jati hain is liy k marnay k matlat ye har giz nahin hai k admi wajod takhleel hogya ya admi buniyadi tor p khatam hogya mout ka matlab ye hai k insani jisam yani gosht post k jisam ka rishta roh se munqata hogya infiradi tor par koi fard wahid roh se rishta munqata kar le wo bhi marna hai or ijtimai tor par pori qoum apni roh se rishta munqata kar le wo bhi marna hai yani kisi fard ya qoum ny is itlako qubool karliya hai jis itla ka naam arf e aam me mout rakkha jata hai musalman man hais ul qoum jab tak apni roh k sath wabasta rahay duniya me arooj patay rahay or musalman man hais al qoum jab apni roh se dor hogay to mar gay marnay ki buhut si shaklein hain koi waba a kar kha jay koi dush man shab khoon mar kar halak karde koi bari taqat luqma tar samajh kar nigal ly qanoon apni jagah qanoon hai k qoum ny is liy wo itla jo mout ka rop dharti hai intekhab kar lia tamam ambiya ka mishan in ki taleem or tableegh haio k insan ko ye bata diya jaay k is ka wajod sirf or sirf itla par qayam hai roh agar kehti hai k to zindah hai to wo zindah hai roh agar kehti hai k to murdah hai to wo murdah hai mout ki qismain hain ek mout tabi mout kehlati hai ek mout hadsati mout kehlati hai ek mout ijtemai mout kehlati hai kisi mout ka naam mout rakkha jata hai or kisi mout ka naam halakat rakkha jata hai or kisi mout ka naam shahadat rakkha jata hai yahan bhi qanoon ki wahi dafa kaam karrhi hai k mout ki itla humy kin manoon me mosol hoi aya hum tabai mout mar rahay hain ya kuttay billi ki mout marrahay hain ya hum shahadat hasil karrahay hain hum jab is duniya se muntaqil horahay hain to hmara thikana jahannum hai ya hamara thikana jannat me hoga jis itla me admi mar jata hai marnay k baad wahi itla zindagi ban jati hai jab koi admi is duniya me pareshan haal hai wo pareeshan khayali or khalafshar k azab me maar gaya to wo seedha dozakh me gaya isliy dozakh ki itla ambiya se jo kuch humy mili wo pareshan hali hai darmandigi muntashir khayali takleef o aziyat hai wagherah wagherah is k bar aks agar koi bandah sukoon o ashna zindagi me dakhil hokar rahat o sukoon k jazbat se mutassir ho kar or adam tahaffuz or dar or khouf k jazbat se azad ho kar maarta hai to wo seedha jannat me jata hai is liy k ambiya se jaanat k baray me jo itla humy mili wo ye hai k rahat hogi rahat o sukoon hoga aram milay ga tarhan tarhan ki naimtein dastarkhuwn par humy mayassar hongi wagherah wagherah ye baat hum sub jantay hain k dozakh jis tabqay jis ilaqay ya jis abadi me ya jis kanton bharay medan ka naam hai wahan wo log qayam karen gay jo ALLAH k na pasand dedah hain jinhon ny kabhi ye koshish nahin ki k hum ALLAH ko pehchanay ALLAH se hamara talluq or rabta qayam ho humy ALLAH ka qareeb naseeb ho or hum ALLAH k dost ban jayn dosra tabqa jannat ka tabqa hai is tabqay me wo loog rahyn gay jin logon ny ALLAH se qurbat hasil karnay k liy jaddo jehed ki wo loog rahyngay jin logon ny in baton se aitraz kiya jo ALLAH or is k rasool ko na pasand dedah hain jannat me wo loog rahyn gay jinhon ny quran ki taleemat ko is tarhan samjha jis tarhan peghambaron ny samjha apni arzi zindagu me ALLAH k diy huy iktiyar ko is tarhan istemal kiya jis tarhan peghambaron ny apnay ikhtiyarat istemal kiy jannat k basi wo loog hongay jin k saron par ALLAH ny dast e shafqat rakh diya hai wo ALLAH k dost hain ALLAH k doston ki tareef ye hai k in ki zindagi me na khof hota hai or na huzn o malal hota hai or na ghum hota hai is ayat mubarka ki tafseer me agar tafakkur kiya jayto ek hi baat samnay ati hai or ye baat aisi hai jis ko koi baray se bra alam e deen baray se bara masnad nasheen gadi nasheen baray se bara peer ro nahin karsakta ye k ALLAH k doston ko na khaouf hota hai na gham or jin logo k andar ghum hota hai or khouf hota hai wo ALLAH k dost nahin hosaktay or jo ALLAH k dost nahin hotay jannat ki fiza inhy qubool nahin karti wo dozakh ka aindhan hotay hain agar kisi k andar khouf or ghum hai to ALLAH k bayan kardah qanoon k mutabiq wo jannati nahin hai rohani qadron me kisi shagird ya rah e sulook par chalnay walay musafir ki tarbiyat is tarhan ki jati hai k is k dil se khouf ghum nikal jay khouf or ghum is waqt tak peecha nahin chortay jab tak admi k andar qataat or isteganmojod na ho.

qataat or istegna koi lafzi mama nahin hai ya koi hisaab ka heer pheer nahin hai istegna fil amal ek kefiyat hai ek haqeeqat hai aisi haqeeqat jo haqeeqat mutassil hai jab tak koi bandah haqeeqat se mutarruf nahin hota mushahidah nahin karleta is waqt tak is k andar istegna peda nahin hota or agar hota hai to wo itna hota hai to wo itna hota hai kmehez is ka tazkirah kiya jasakta hai jis admi k andar jis munasbat se qataat or istefana mojod hai us admi k andar isi munasbat se dar khof or ghum bhi kam hota hai.