KHARQ ADAT

sawal: kharq adat sirf auliya or ambiya se hi to sabit hain jadu garon or sahiron ny bhi kai baar kharq adat k muzahiray kiy hain in me buniyadi farq ki wazahat farma den?

jawab: shahood ki teen qismain hain (1)ilm al yaqeen (2)ain al yaqeen (3) haq al yaqeen.ilm al yaqeen k dairay me dakhil honay k baad insan par pehli baat jo munkashif hoti hai wo ye hoti hai k hamara khaliq ALLAH hai aisa ALLAH jis ny hamari tama zaroriyat ki kafalat apnay zimmay li hai zaroriyat pora hona or musalsal pora hona or baghair kisi madi qanoon k pora hona admi ko bila akhir ye sochnay par or yaqeen karnay par majboor kar deta hai k fil waqiya raziq ALLAH hai fil waqiya rab ALLAH hai fil waqiya zindagi denay or zindagi denay or zindagi lenay wala ALLAH hai ALLAH hi izzat deta hai ALLAH hi zillat deta hai ALLAH hi ibtida hai ALLAH hi inteha hai ALLAH hi zahir ALLAH hi batin hai or ALLAH hi har shay ko moheet hai is manzil me dakhil huy baghair admi k andar kabhi istaghna peda nahin hota or jis banday k andar istaghna peda nahin hota wo rah e sulook ka bhatka hua musafir hota hai is ki koi manzil nahin hoti duniya me aisay beshumar log hai jinhon ny apni batni quwatoon ko bedar or mutahrrik kar k aisay kamalat or kharq adaat ka izhaar kiya hai k loog heraan hain pareshan hain baaz batein in se is qisam ki bhi sar zad hoti hain baray baray sahab ilm loog in ki is rohani quwat par emaan lay atay hain or raasta bhatak jatay hain me arz ye karna chata hoon k admi apni istetaat apni salahiyat apni istedaad peda nahin hota kiya aap ny aisay loog nahin dekhay k jo jadu tonay ka kaam karta hain logon ko pareshan kartay hain or logon k banay huy kamoon ko kharab kardetay hain lekin fees letay hain kiya aap nay aisay amil nahin dekhay k peeri ki gadi par bethay huy hain surat shakal farishtoon jesi banai hoi hai qaal ALLAH or qaal rasool ka charcha hai libaas ain islam k mutabiq hai jabay qabay me dhakay huy hain lekin logon se paisay wasool kar rahay hain abhi pichlay dinon meray paas ek khatoon tashreef layn inhoon ny jo amil sahahb ka naqsha khencha is se zahir hota tha k koi buhut hi abid zahid zindah shab bedaar hai masail or mushkilaat ka haal ye batay k sadqa karo khatoon ny pocha kis cheez ka sadqa kron? peer sahab ny batay k oont ka sadqa kardo or 3000 rupay k liy meray murshad qareen huzoor qalandar baba auliya ny ek sail k sawal k jawab me irshad farmaya k peer or faqeer hai faqeer ki tareef ye hai k is k andar istaghna milay ga is k andar duniyawi lalach nahin hoga wo is baat par yaqeen rakhta hai k is ka kufail sirf or sirf ALLAH hai ALLAH is ko itlas wa kakhwaab pehna deta hai wo khush ho kar pehen leta hai ALLAH is ko khaddar pehna deta hai.is me bhi wo khush rehta hai ALLAH is ko langoti pehna deta hai wo is me bhi khush rehta hai ALLHA is is se se langoti cheen leta hai wo is me bhi khush rehta hai or dosri pehchan ye farmai k jab tak bandah fil waqiya kisi faqeer ki sohbat me rehta hai is ka zehen sirf ALLAH ki taraf mutawajja rehta hai shaz o nadir hi isay duniya k kaam ka khayal ata hai.

kharq adaat k zaman me aj gul sciencei nuqta nazar se jo koshishen ki ja rahin hain in se bhi ye sabit hoti hai k insan apni zati koshishon se or mutaiyana mashatoon se apnay andar mawrai salahiyatoon ko bedar kar leta hai telly pethi or hepnatisim k silsilay me europe or bil khasos rosse me jo peesh e riffat hoi hai is ko dekhtay huy insan is baat k upper yaqeen karnay par majbor hojata hai k agar hum ibadat ya riyazat ko mawrai uloom k husool ka zariya samjhein to ye baat bazahir kamzor nazar ati hai kiyun k rosse jis ka mazhab par koi aqedah nahin hai mawrai uloom k husool me qabil e tazkirah had tak taraqqi kar chuka hai tasawwuf me ek tazkirah ata hai tasarruf karna yani sheikh apnay mureed par tawajja kar k is k andar kuch tabdeliyan peda karta hai ye tasarruf aj ki duniya me ek science dan bhi kar leta hai or wo telly pethi k zariy apnay hasb e mansha dosray dosray admi ko mutassir kar k is ko wo kaam karnay par majboor kar deta hai jo is k zehen me hota hai tasawwuf me dosri bari or ahem cheez andar dekhna hai yani admi k andar aisi batni nazarkaam karnay lagti hai jis nazar se wo apnay saiyyaray se bahar ki duniya ka mushahidah karta hai aj k dor me ye baat bhi hamaray samnay achuki hai k maraqba bhi ek science ban chuka hai europr mr lakhon ki tadaad me aisi kitabein shay ho chuki hai jo maraqba or maraqbay ki kefiyaat par ser e hasil behes karti hain tesri cheez jo rohaniyat tasawwuf or mazhab me buhut ziyadah ahmiyat rakhti hai wo ye hai k admi k andar aisi salahiyatein peda hojati hain jin salahiyatoon ki buniyad par wo aisay uloom ka izhar karta hai jo uloom bazahir kitaboon me nahin miltay science ny is silsilay me bhi kafi peesh riffat ki hai or aisay uloom ka izhar ho chuka hai k jin par shaoor insani ny yaqeen bhi nahin kiya or bila akhir wo cheezein wajod me ain or insan in par yaqeen karnay par majboor hogya in halat me tasawwuf ki istelahein tawajja tasarruf batni nigah ka khulna time and space ya zaman o makan se azadi azadi ek muamma ban gain hain ab tak ye samjha jata raha hai k mawrai nazar ka mutahrrik honasirf zikr o fikar or ashfal se mumkin hai in halat me ye samajhna buhut zarori hogya hai k aisay loog jo mazhab par aqeedah nahin rakhtay tasarruf kar saktay hain in k andar batni nigah bedar hojati hai wo nay nay uloom ki dag bail dal saktay hain phir ye tasawwuf kiya hai?tasawwuf k sath sath mazhab ka tazkirah bhi ata hai mazhab ki buniyadein bhi inhin usoolon par rakkhi gain hain k admi mazhabi faraiz poray karnay k baad is qabil hojata hai k wo apni zindagi ya dosron ki zindagi me tasarruf kar sakay is ki batni nigah ALLAH ki nishaniyon ka mushahidah kanay lagaylekin jab hum mazhab k peron karoon ki zindagi ka mutalla kartay hain  to hazaroon lakhon me humay ek admi bhi aisa nahin milta jis ki tasarruf ki taqat bahal hogai ho or jis k andar batni nigah kaam karti ho ye bari ajeeb o ghareeb baat ho k mazhabi loog in uloom se be khabar hain jin uloom ki nishan dahi aisay logon nay ki hai jo mazhab par aqeedah nahin rakhtay ya mazhab ko ek majbori samajhtay hain in halat me har sanjedah admi ye sochnay par majboor hai to phir tasawwuf or mazhab kiya hai? is baat ko hum yahan mukhtasar kar k phir apnay asal mozon istaghna ki taraf lottay hain quran paak me ALLAH ny hazrat musa k tazkiray me wazahat k sath firon or jadu garon ka tazkirah kiya hai firon nay jab ye dekha ki is ki khudai par harf arha hai or hazrat musa is ki tabahi or barbadi ka zariya ban rahay hain to is nay apni mumlikat k tama jadu garon ko dawat di k wo ayn or hazrat musa se muqabla karen is dawat me jadu garon k liy jo mutawajja karnay ki sub se bari cheez thi wo ye thi k agar tum nay musa ko shikast dedi to tumhay insaam wa akram se malamaaal kar diya jaay ga.

ek medaan or tareekh muqarrar hoi jadu gar jama hogay musa bhi tashreef laay jadu garon nay lathiyan bans or rassiyan medan me phenkein wo sanp ban gay azdahay ban gay lagta tha k medan baray baray sanpoon or azdahon se bhara hua hai har taraf cheekh o  pukar or sanpon ki phunkar thi surat e haal jab buhut nazuk hogai itni nazuk k hazrat musa bhi ghabra gay hazrat musa ALLAH ki taraf mutawajja huy ALLAH nay farmaya ay musa dar mat!apna asa phenk musa nay apna asa zameen par phenk diya wo asa ek buhut bara azdaha ban kar medaan dortay huy tamam sanpon or azdahon ko nigal gaya or is tarhan firoon jis ko apni duniyawi dolat or maal o asbab par ghamand tha zaleel o khuwar hua or wo jadu gar jo dolat o ikram k lalach me door daraz se hazrat musa ko shikast denay ay thay wo bhi na muraad loot gay is waqiy me agar tafakkur kiya jaay to buhut sada baat ye hai jadu garon nay jab bans phenkay to in se kharq adaat zahoor hua or wo sanp ban gay hazrat musa nay jab asa phenka to wo bhi azdaha ban gaya or wo tamam sanpon ko nigal gaya abhi hum ny arz kiya hai k admi apni koshishon or mutaiyyan tareqon par mashqeen karnay k baad is qabil ban jata hai kwo apnay iraday or ikhtiyar se kharq adat ka izhar karsakay jesa k jadu garon nay apnay iraday or ikhtiyar kharq adat ko zahir kiya k ek makhlooq nay is ka mushahidah kiya lekin is me ek buniyadi farq hai jadu gar latadad hain bans or rassiyan jo azdahay or sanp banay wo beshumar hain jadu garon ko ek buhut baray badshah ka tawwun bhi hasil hai hazrat musa tanha hain in ka takia in ka bharosa ALLAH k sath wabasta hai is baat ko is tarhan samjha jay k jadu garoon k diloon me chunkay maal o dolat ki khowahish mojod hai is liy me istaghna nahin tha hazrat musa k andar chunkay istaghna tha is liy istaghna ki quwat or yaqeen nay jadu garon k tamam jadu ko barbad or khatam kardiya yehi surat e haal tasawwuf me tawajja tasarruf or batni nigah ki bhi hai agar kisi banday me ALLAH ki zaat se talluq khatir peda nahin hua or is k andar istaghna ki qowatein nahin ubhrein to is se jo kuch kharq adaat sadir hongi wo istad raaj hai jadu hai mazhabi ibadat ka bhi yehi qanoon hai mazhab nay jo ibadatein farz kar di hain in faraiz ki adaygi me agar banday ka zehen ALLAH k sath wabasta hai to ye ibadat hai warna ye ibadat nahin hai ?kalma namaz rozah haj zakat ye sub arkan is buniyad par qayam hain k ALLAH is tarhan chahtay hain is liy hum par lazim hai k in faraiz ki adaygi me hum koi kotahi na karen lekin agar farz ki adaygi ALLAH k sath yaqeen qayam na ho to ye farz ki adaygi hogior bandah bil akhir nuqsanor khasaray me hoga.

zindagi me dosra waqiya ye peesh aya k eid ka chand dikhnay k baad bacchon ki eidi k silsilay me fikar lahaq hoi or me apnay ek dost k pas kuch rupay udhar lenay k liy chala gaya dost ny mujh se kaha ye rupay to meray pas mojod hain lekin kisi ki amanat hain tabiyat ny is baat ko gawarah na kiya k dost ko amanat me khayanat karnay ka mujrim qarar diya jaay wahan se chalta hua me bazar me agya wahan mujhy ek dost milay buhut acchi tarhan peesh ay or inhon nay peesh kash ki k aap ko eid k silsilay me kuch rupay paison ki zarorat ho to le len meray pas kafi raqam mojod hai na maloom tareeqay par menay in ki is peesh kash ko na manzor kardiya inhon nay kaha k sahab menay apsay kisi zamanay me kuch rupay udhar liy thy wo me ada karna chahta hoon or inhon ny meri jeb me satt rupay daal diy mein ghar chala aya or in satt rupoon se eid ki tamam zaroriyaat pori hogain is waqiya par buhut ziyadah ghoor e talab baat ye hai k dost se me tees rupay udhar lenay gaya tha ALLAH ny mujhy itnay paisay dilwa diy jo meri zaroriyaat k liy poray thy zahir hai agar tess rupay qarz mil jatay to zaroriyat pori na hoti ye paisay or rupay k silsilay me do waqiyat menay goosh guzaar kiy is qisam k beshumar waqiyat zindagi me peesh ay in beshumar waqiya peesh anay k natejay me ye yaqeen mustehqam or pukhta hogyaor zaroriyat k wahid kufail ALLAH TALLAH hain ALLAH ny wadah kiya hai k hum razzaq hain wo behre haal rizq pohunchatay hain or ALLAH k wo karinday jin k baray me ALLAH ny fil arz khalifa kaha hai is baat par car band hain k wo makhlooq ko zindah rakhnay k liy wasail faraham karenbuhut ajeeb baat hai k ALLAH apni marzi se peda kartay hain jab tak wo chahtay hain admi zindah rehta hai or jab wo nahin chahtay to admi second k hazarwein hissay me bhi zindah nahin reh sakta lekin admi ye samajh raha hai k me apnay ikhtiyar se zindah hoon mashi silsila meray ikhtiyar se qayam hai isi silsilay me ek martaba huzoor qalandar baba aulia ny farmaya kisan jab kheti ktta hai to jharo se ek ek danan samait leta hai or jo danay kharab hotay hain ya ghun khay wy hotay hain in ko bhi ikhatta kar k janwaroon k agay daal deta hai jis zameen par gehoon baliyon se alaidah kar k saaf kiya jata hai wahan agar aap talash karen to mushkil se chand danay nazar ayn gay lekin jab hum dekhtay hain k ALLAH ki makhlooq parinday aarbon kharboon ki tadaad me dana chugtay hain in ki ghiza hi dana hai to ye muamma hal nahin hota k kisan to ek dana nahin chorta in paridon k liy koi makhsos kasht nahin hoti phir ye parinday kaha se khatay hain ?huzoor qalandar baba nay farmaya k ye qanoon ye hai k parindon ka ghol jab zameen par is iraday se utarta hai k humay yahan dana chugna hai is say pehlay k in k panjay zameen par lagein qudrat wahan dana peda kardeti hai agar parindoon ki ghiza ka daro madar hazrat e insan yani kisanon par hoga to saray parinday bhook se mar jatay dosri misaal huzoor qalandar baba sahab ny ye irshad farmai k chopay behr e haal insanon se buhut bari tadaad me zameen par mojod hain bazahir wo zameen par ugi hoi ghas khatay hain darakhton k pattay chartay hain lekin jis miqdar me ghas or darakhton k pattay khatay hainzameen par koi darakht nahin rehna chahiy qudrat in ki ghiza ki kifayat pori karnay k liy itni bhari tadaad me darakht or ghas peda karti hai k charinday seir ho kar khatay rehtay hain ghas or patton me kami waqiya nahin hoti ye in darakhton or ghas ka tazkirah hai jin me insan ka koi tasarruf nahin hai qudrat apni marzi se peda karti hai apni marzi se darakhton ki parwarish karti hai or apni marzi se inhen sar sabz o shadab rakhti hai ye ALLAH ki nishaniyan hain jo zameen par pheli hoi hain har insan ki zindagi me do char waqiyat aisay zaror peeshh atay hain jin ki wo koi amli aqli scienci tawajjiha peesh nahin kar sakta anhoni batein hoti rehti hain admi ittefaq keh kar guzarta rehta hai halankay kainat me kisi ittefaq kisi hadsa ko koi dakhal nahin hai.