AITEKAAF RAMZAN

sawal: mah e ramzan k akhri ashray me loog aitekaaf me beth tay hain aitekar ki kia ehmiyat hai? wazahat farmayn.

jawab: hamaray deen k jitnay bhi arkaan hain aagar in par ghooor kia jaay to arkan e islam ki ek hesiyat infiradi hai or sath sath is rukun ki hesiyat ijtemai hai agar tafakkur kiya jaay to islam ka pegham ye hai k ijtemai hesiyat ko qayam karo infiradi soch se nikal kar ijtemai sooch ko ikhtiyar karo is liy panch waqt ki namaz ba jamat ada karnay ka hukum diya gaya hai har mohallay k loog  panch waqt masjidd me ikhattay ho namaz e bajamat ada kartay hain is tarhan namaz e jumma k baad namaz e eidein ati hain jis tarhan kisi mohallay k afraad kisi ek jama masjid me ja kar jummay ki namaz ada kartay hain isi tarhan saray sheher k afrad ek jaga jama ho kar namaz e eid ada kartay hain is tarhan haj ek aisa farz hai jis me duniya se lakhon farzandan e touheed khana kaba me hazri detay hain or fareeza haj ada kartay hain ye bhi ijtemai amal hua ramzam ka program bhi ijtemai amal hai aisa program k sari ummat e muslima ALLAH k liy pora din bhooki piyasi rehti hai ALLAH k liy is nay roza rakkha yani is nay khana peena chor dia isliy k ALLAH ye chahta hai k tum subah se sham tak bhookay raho to wo ijtemai tor par subah se sham tak bhookay rehtay hain jab ALLAH nay ye chaha k ab tum bhookay nahin raho to wo iftar kar letay hain ye bhi ek ijtemai amal hai rozay se ye baat samnay ati hai k bhook or piyas se ALLAH k kia talluq hai is ka saaf matlab hai k aap nay pait k taqazon ko ALLAH k liy waqf kar lia to ab ye jo bhook piyas ka shadeed taqaza  hai ye ALLAH se hum rishta ho jata  hai jis ki wajah se bandah ALLAH ki zaat se qareeb hojata hai.

ye ek faidah hua dosra faidah ye hai k jab insan bhooka or piyasa rehta hai sara din to is k zehen me is k bhookay piyasy rehnay k adaab bhi hain is ko ye maloom hai k rozah rakh k admi jhoot bolay to rozah nahin hota isay ye bhi maloom hai k roza rakh kar agar be imani ki jaay to rozah nahin hota to is k zehen me ye baat ati hai k sara din bhooka rehnay k bawajod bhi agar mera roza nahin hua to is k bhookay piyasy rehnay ka kia faidah to nateja ye nikalta hai k wo rozay me ziyadah se ziyadah is baat ki koshish karta hai k jhoot na bolay or ziyadah se ziyadah is baat ki koshish karta hai k wo ibadat kare.

teesra faidah rozay ka ye hai k insan ki sehet acchi rahay gi bemariyan peda hoti hain is ka kisi na kisi tarha talluq pait se hota hai agar insan ka pait sahi hai to wo bemar bhi nahin hota jo loog khanay peenay me ehtiat kartay hain in ka nizam e hazam durust rehta hai wo bemar nahin hotay wo in logon k muqablay me kam bemar hotay hain jo khanay peenay me be ehtiyat hotay hain ye baat hum sub jantay hain to jab hum subah se sham tak bhookay rahay gay is ka nateja ye hoga k hamaray nizam e hazam ko taqat milay gi or hamari sehet bhi bahal hogiek sehet mand admi duniyawi kaam ho ya deeni kaam ho sahi tareeqay se sir anjam de sakta hai .

cotha faida rozay ka jo rohani nuqta nazar se wo ye hai k insan jab bhooka rehta hai or wo bhook ALLAH k liy hoti hai to is k andar ALLAH  k anwar zakherah hojatay hain ALLAH nay khud farmaya hai k:

"rozay ki ajza me khud hoon"

yani ALLAH ki sifaat ALLAH k anwar o tajliyat or roshniyan insan k andar muntaqil hona shuru hojati hain or jesay jesy wo roshniyan insan k andar zakherah hoti hain isi munasbat se roh k andar baledgi peda hoti hai roh k andar taqat peda hoti hai to pehlay ramzan se 19 ramzan tak har roza dar k andar aisi salahiyatein badar or mutahrrik hojati haain jin ka talluq barah rast ALLAH k anwar or rasool alehe salato wasalm k noor nabowat se hai or roh noor nabowat k anwar se mamoor hojati hai ab jo 19 din bhooka rehnay se anwar or roshniyan zakherah hoon gi in se faidah bhi uthana chahiy.

maslan apkay paas ek behtreen gari hai is k andar petrol nahin hoga to gari nahin chaly gi ya agar petrol kam hai to gari chalay gi or bar bar rukay gi ab is gari ki tenki ko apnay fill kara liya hai ab tenk jab fil hogya to iska matlab ye hai k gari apkay safar me sahi tarhan kaam aygi or agar ap isay nahin chalayn gay to petrol bhara rahay ga or mumkin hai buhut ziyadah din guzar jayn to wo urh hi jaay misaal naqis hai lekin samjhanay k liy deni parti hai yani musalman rozay dar jab 19 din me apnay andar ALLAH k anwar tajliyat ka zakherah kar leta hai to ab is ka istemal zer e behes ata hai istemal se muraad ye hai k ALLAH ki roshniyan roh ko parwaz ki taraf mail karti hain ab roh ki alam bala ki taraf parwaz honi chahiy.

alam ghaib me dakhil ho kar alam ghaib ka mushahidah karna chahaiy mushahiday k liy buhut ziyadah yaksoi ki zarorat hai buhut ziyadah jismani sukoon zarori hai to jismani sukoon k liy or zehni yaksoi hasil karnay k liy aitekaaf ka masla samnay ata hai yani insan apnay duniyawi mashaghil tark kar k bewi bacchon se dor ho kar ghar baar chor kar ksi ek goshay me sirf or sirf ALLAH k liy beth jaay or wo bethna das din k liy ho.

ab das dinon me 20 k baad se 21 23 25 27 ramzan al mubarak ki ratoon me laila tul qadar ki raat hoti hai ab ALLAH nay quran paak me farmaya:

"hum nay quran ko nazil kiya laila tul qadar me"

quran kiya hai quran ek dastoor al amal hai aisa dastoor al amal jo aap k liy duniyawi rehnumai bhi karta hai or aisa dastoor al amal jo aap k liy alam bala or mawraii duniya k liy bhi rehnumai karta karta hai to laila tul qadar kiya hai?ALLAH farmatay hain laila tul qadar ek hazar mahinon se afzal hai.ek hazar mahinon se afzal honay ka matlab ye hai k ye raat 30 hazar din or 30 hazar ratoon se behtar hai 30 hazar din or 30 hazar ratoon ka tazkirah jab hum kartay hain k insan din me jagta hai bedar rehta hai yani bedar reh kar zindagi guzarta hai hawas khamsa me reh zindagi guzarta hai jazbat o ehsasaat k sath zindagi guzarta hai or raat me bedari se hat kar khuwab k alam me zindagi guzarta hai jab hum sotay hain to sonay k doran hawas ki raftar din k hawas ki raftar se ziyadah hojati hai is ki misaal ye hai k hum yahan sotay hain to sonay k doran hawas ki raftar din k hawas ki raftar se ziyadah hojati hai is ki misaal ye hai k k hum yahan sotay hain or khud ko london me patay hain koi admi hamara peer hilta hai to phir hum ek second k hazarwein hissa me charpai par mojod hotay matlab ye hai k mahinon ka safar secondon me tay hojata hai khuwab k hawas me hamari raftar barh jati hai ab hum yun kahen gay is ko sciencei nuqta nazar se k ek raat behtar hai tees hazar khuwab k hawason se 30 hazar din k hawas se ab is ka seedha seedha matlab ye hua k ek raat behtar hai satth hazar din raat se yani ek insan jitna safar 60 din or raat me karta hai agar is k andar laila tul qadar k hawas ALLAH  k hukum se or rasool alehe salato ki nisbat se mutahrrik or bedar ho jayn to wahi ek bandah ek raat me sath hazar raat or din k barabar safar kare ga.

ye jo loog aitekaaf me beth tay hain ye fil waqiya mawrai duniya me dakhil honay ka program hai or sahi baat ye hai k agar ramzan k rozay 20 din tak sahi manoon me rakh lay or is k baad aitekaaf me betha jaay to zehni markaziyat hasil honay k baad insan ko martaba hasil hota hai

huzoor aleh salato wasalm ka irshad hai:

"momin ko martabaehsan hasil hota hai martaba ehsan k do darjay hain ek darja ye hai k bandah mehsos kare k mujhay ALLAH dekh raha hai or ala darja ye hai k bandah ye mesos kare k me ALLAH ko dekh raha hoon"

ramzan k program ki kamiyabi k natejay me agar fil waqiya sahi manon  me jiddo jehed or koshish ki jaay to momin ko rasool alehe salto waslaam k irshad martaba ehsan hasil hojata hai or yehi iatefkaaf bhi hai is liy aitekaf karna chahaiy.

rohani logon ka kehna ye hai k kasrat se dorood shareef kalma tamjeed or quran paak parhna hchahiy quran paak k mani o mafhoom par ghor o fikar karna chahiy maraqba karna chahiy maraqbay se muraad ye hai k aap jab bhi kuch parhen thori der k liy ankhein band kar k beth jayn or ye tasawwur karen k mujhy ALLAH dekh raha hai or jab ALLAH ki rehmat se rasool alehe salato wasalam ki nisbat se ye tasawwuf qayam hojay k mujhay ALLAH dekh raha hai ye char panch din me hojata hai or aitekaaf me admi bethay to phir baqaya din jo hain isay is baat ka maraqba karnachahiy k me ALLAH ko dekh raha hoon or ALLAH  dor to nahin ALLAH nay khud farmaya:

"me tumhari rag jan se ziyadah qareeb hoon"

ab ye hai k hum isay dekhein to sahi isay pukarein to sahi ALLAH nay bhi yehi farmaya hai k jahan tum ek ho wahan me dosra hoon jahan tum do ho wahan me teera hoon ALLAH nay ye bhi farmaya hai

"me nay to tumhay ahata kia hua hai me to ek dairah hoon tum is k andar ho"

to ye ALLAH ko jo farman hai jab hum is par ghoor o fikar karen gay ALLAH ko talash karen gay ALLAH kahin door nahin hai ALLAH to hamaray andar bastay hain.

ALLAH dil me bastay hain rag jaan se ziyadah qareeb hain to ramzan aitekaaf hai is k buhut ziydah fazilat hai ALLAH se dua karen k ALLAH humay ramzan ki barkat se faizyab kare or humay day k hum ziyadah se ziyadah aitekaaf me bethyn or ziyadah se ziyadah  maraqba karen maraqba me ye tasawwur karen k mujhy ALLAH dekh raha hai ye me ALLAH ko dekh raha hoon..