NISBAT

Nisbat Almiah:

             Sahabah karaam ked or main aur qaroon ola main logo’n ko martabah ahsaan haasil tha. In ke lataaif hazoor Sal’lallaho Al’lehi Wa’Aalehi Wa’sal’lam ki mohabbat se rangeen the. In ki tawajo ziyadah tar Hazoor Sal’lallaho Al’lehi Wa’Aalehi Wa’sal’lam ke mutaliq gor o fikar main sarf hoti thi. Yehi wajah hai keh unho’n ne ruhaani qadro’n ke jaaize ziyadah nahin liye choon keh in ki ruhaani tashnigi Hazoor Sal’lallaho Al’lehi Wa’Aalehi Wa’sal’lam ke aqwaal par tawajo sarf karne main puri ho jati thi. In aahdees main bohat ziyadah shgaf tha. Is inhemaak ki bari wajah yeh bhi thi keh logo’n ke zehan main ahdees ki sahi adbiyat theek theek mafhoom aur puri gehraayio’n mojood theen. Sahabah karaam aur sahaabiyaat aur ahdees parhne ke baad aur ahdees sunne ke baad hadeeso’n ke anwaar se pura istifadah karte the. Is tarah unhain alfaaz ke noori tamsilaat ki talaash ki zarurat nahin parti thi woh alfaaz ke noori tamsilaat se roshnaas the.

Sahabiyaat aur sahabah karaam ki roohein Quran Paak ke anwaar…noor qadas aur noor nabuwat se labareez theen. Is daor main ruhaani qadro’n ka zikar na hona gaaliban is hi wajah se tha kiyon keh Sahabah Karaam ko lataaif ke rangeen karne main alag se jadojehad nahin karna parti thi. Albat’ta taba tabeen ke baad logo’n ke dilo’n se Quran aur Paak aur Ahadees ke anwaar jab madoom hone lage to is daor ke logo’n ne tishnagi mehsoos kar ke wasool ila Allah ke zara’ae dariyaaft kiye choona’cheh sheikh najam ul ddin kubra aur in ke shagir maslan shahaab ul ddin sehrwardi (R.A), sheik Abdul Qaadir Jeelani (R.A), Khawajah moinuddin Chishti (R.A) aur in ke rafqa aise log the jinho’n ne qurb nawafil ke zariye ala Allah ki tarzo’n main la shumaar ikhtira’aat ken aur tarah tarah ke Azkaar ashgaal ki ibtida ki. Yeh tarzen sheikh hassan basri ke daor main nahi milten.

Ba’zoq wa ba’muraad in qudsi nafs logo’n ne Allah Ta’lah ki sifaat jaanne main inhimaak haasil kiya aur phir zaat ko samajhne ki qadre’n qaaim ken isi rabat ka naam sufi hazraat nisbat Ilmia rakhte hain kiyon keh is rabat ya zabat ke ajza ziayadah tar jaanne par mushtamil hain.

Jab Allah Ta’lah ki sifaat ko samajhne ke liye koi sufi fikar ka ahtamaam karta hai is waqt woh ma’rfat ki in raaho’n par hota hai jo zikar ke sath fikar ke ahtmaam se labareez hoti hai. Is raaste ko qurb nawaafil kehete hain.

Nisbat Sakeenah:

            Yeh nisbat awal jazab phr ishq aur phr sakeenah ke nisbato’n ke majmu’ae par mushtamil hai. Sakeenah woh nisbat hai jo aksar sahabiyaat aur sahabah karaam ko haasil thi. Yeh nisbat Hazoor Sal’lallaho Al’lehi Wa’Aalehi Wa’sal’lam ki mohabat ke zariye noor nabuwat ke hasool se peda hoti hai.

 Nisbat Ishq:

            Jab qalb insaani main Allah Ta’lah ki nemato’n aur ahesaan ka hajoom hota hai aur insaan qudrat ke atiyaat main fikar karta hai to is waqt Allah ke noor ke tamsilaat baar baar insaani tabiyat main mojzan hote hain. Yehan se is rabat ya nisbat ishq ki daag bel par jaati hai. Raftah raftah is nisbat ke

Baatini inhemaak ki kefiyatein ronma hone lagti hain phir in latifon par rang chharne lagta hai ya’ni latifo’n main anwaar e ilahiaah pe dar pe pewast hote rehte hain. Is tarah nisbat ishq ki Jaren mustehkam ho jati hain.

Nisbat Jazab:

            Yeh woh nisbat hai jis ko taba ta’beeyan ke baad sab se pehle Hazrat  bhaao Uddin naqashband (R.A) ne nishan be nishani ka naam diya hai. Is hi ko Naqshbandi jamaat iad’daasht ka naam deti hai. Jab Aarif ka zehan is simat main rajoo karta hai jis simat azal ke anwaar chhaye hue hain aur azal se pehle ke naqoosh mojood hain. Yehi naqoosh aarif ke qalb par baar baar daor karte hain aur sirf “Wahdat” aarif ki fikar aur soch ka ahahaatah kar leti hai aur har tarah hoyiat ka tasalat ho jata hai. Is nisbat ki shua’en rooh par nazool karti hain aur jab aarif in main ghir jata hai aur kisi tarf nikalne ki raah nahin paata to aqal o shaoor se dastbardaar ho kar khud ko is nisbat ki roshiniyon ke reham o karam par chhor deta hai.

            Nisbat ki bohat si qismain hain ham ne nisbat se agaahi aur nisbat ke mafhoom se ba’khabar hone ke liye chand nisbato’n ka zikar kiya hai.

            Nisbat se muraad yeh hai keh jis buzurg se aap ka ruhaani ta’luq qaaim ho jaaye. Aap ki tarz e fikar is ki tarz e fikar ke mutabiq ho jaaye.

            Allah waalo’n ki ta’reef yeh hai keh in ka har amal aur har kaam Allah ke liye hota hai ya’ni woh Allah ki maarfat sochte hain. Allah ke liye sote hain. Allah ke liye jaagte hain. Aise

Alwal’azam bando’n ki zindigi Allah ke liye waqf hoti hai woh kehete hain keh:

            “ Hamara yaqeen hai har amar Allah ki tarf se hai”

 Qurb E Nawafil, Qurb E Faraiz:

            Ruhaani aloom seekhne aur ruhaaniyat main daakhil hone ke liye do tareeqe hain aik tareeqe ka naam qurb e nawafil hai aur dusre tareeqe ka naam qurb e faraiz hai. Qurb e nawafil ho ya qurb e faraiz dono aloom murshad kareem ya kisi wali Allah se muntaqil hote hain. Barah e raast oliyaa Allah ki arwaah se muntaqil hone wale ruhaani aloom nisbat awaisiya ke tehat muntaqil hote hain.