Mufrad Lehre’n – Murakab Lehre’n

Har jismaani wajood ke oopar aik aur jism hai. Is jism ko sufiaa hewala kehete hain. Roohani aankh is jism ke tol o araz aur jism main tam’maam khado khaal haath, per, aankh, naak, dimaagh ka bhi mushaidah karti hai. Nah sirf mushaidah karti hai balkeh in ke andar roshiniyo’n k ethos pan ko bhi mehsoos karti hai.

Takhleeq ka qanoon hamein batata hai keh pehle roshinyon se bana hua jism takhleeq hota hai. Phir maadi wajood ki takhleeq amal main aati hai. Lekin dono main thos pan mojood hai. Mufrad leher aisi harkaat ka majmuwaa hai jo aik simat se dusri simat main jaari o saari hai. Aik simat se dusri simat mufard lehre’n aik dusre main pewast ho jayin aur is ke oopr naqsh o nigaar ban jayin to is ka naam jin aur jinnaat ki duniya hai. Lekin agar murakab lehre’n aik dusre main pewast ho jaayin is tarha ke pewast bhi rhen aur faasilah bhi khatam nah ho aur is bisaat par naqsh o nigaar ban jaayin to is ka naam insaan aur insaan ki duniya hai. Matlab yeh hua keh mufarad lehero’n ke oopar naqsh o nigaar ya’ni aankh, naak,k aan, haath per wagerah jinnaat ki duniya hai aur murakab lehero’n par naqsh o nigaar ya’ni haath per aur dusre aa’zaa agar naqsh hoon to insaano’n ki duniya hai.

Shaagird Jinnaat:

Duniya main jis tarah insaan ke ilawah beshumaar makhlooqaat hain. Isi tarah jinnaat ki duniya main bhi zameen, aasmaan, chaand, suraj, sitaare aur tam’maam makhlooqaat mojood hain. Farq yeh hai keh insaan murakab lehron ki takhleeq hai. Jabkeh jinnaat mufarad lehero’n sy bane hue hain. Jis tarah murakab lehere’n ki takhleeq main paanch hisse’n kaam karti hain. Isi tarah mufarad lehero’n ki makhlooq main bhi paanch hisse’n kaam karti hain. Jinnaat bolte bhi hain, jinnaat sunte bhi hain, jinnaat ki duniya main kheti baari bhi hoti hai aur jinnaat ki duniya main saainsi eejadaat bhi hoti rehti hain. Jinnaat ki duniya main school , college aur universatiyan bhi hain.

Das Laakh Chhapan Hazaar Fit:

Jinnaat ki duniya hamaari zameen ke globe ki hadood main hai aur zameen se taqreeban das laakh chhapan hazaar fit oopar kha’la main hai is ki misaal yeh hai keh bohat bari zameen ke raqbbe par so manzilah amaarat par chat daal di jaaye aur chat is tarah banai jaaye keh is ke oopar khti baari ki jaaye. Koi makaan ta’meer kar diya jaaye, phool phuwaari lga di jaaye aur wahan makhlooq aabaad ho. Chat par mojood makhlooq ko nah to zameen se insaan dekh sake aur na hi chat par se jinnaat insaan ko dekh sakein.

Jinnaat Ki Umare’n:

Insaani duniya main maa’n ke batan se bachah nau maah main peda hota hai aur jinnaat ki duniya main maa’n ke batan se insaani adaad o shumaar ke mutaabiq nau saal main peda hota hai. Is hi andazah ke mutaabiq jinnaat ki umar’en hoti hain.

Jinnaat aur insaan dono muakalaf makhlooq hain. Dono duniyaawi aloom ki tarah roohaani aloom seekh sakte hain. Allah Ta’lah ne quran Paak main do mukalaf makhlooq ka tazkirah kiya hai.

“Ae groh jinnaat aur groh insaan! Tum zameen aur aasmaan ke kinaaro’n se nikal kar dikhaao, tum nahin nikal sakte magar sultan se.”

(Surah Al’Rehman – Ayat : 33)

Sultan ka matlab roohaani silaahiyate’n hain. Agar koi insaan ya jinn roohani silahiyat ko bedaar aur mutahrak kar le to aasmaan aur zameen ke kinaaro’n se nikal kar geb ki duniya ka mushahidah kar sakta hai.

Sultan:

Jitney bhi anbiyaa tashreef laaye in sab ki ta’leemaat ka haasil yeh hai keh insaan maadi wajood main rehte hue Allah Ta’lah ka Irfan haasil kare aur Allah ka Irfan haasil karne ke liye geb ki duniya main daakhil hona zaruri hai jo sultan (Rooh) ke Zariah mumkin hai. Yeh is liye mumkin hai keh rooh azal main Allah ki aawaaz sun chuki hai. Allah ko dekh chuki hai aur pure hosh o hawaas ke saath Allah ko dekh kar Allah ki rabubiyat ka iqraar kar chuki hai.

Topics

View

Ahsan o Tasawuf (sufism)

KHWAJA SHAMS-UD-DIN AZEEMI

Rohaniyat aur tasawuf ke barey mein logon nay bohat kuch likha hai, aik giroh ka khayaal hai ke aksar sufia chunkay oon ka libaas pehantay they is liye log inhen sufi kehte they. Oon ko arabi mein sof kehte hain. Woh log yeh libaas is liye pehantay they ke sof ka libaas pehnana aksar nabiyo, walyoon aur bargzida hstyon ka mamool raha hai. Baaz hazraat ke khayaal mein ashaab sufah ke sath nisbat rakhnay ki wajah se yeh log sufi kehlate hain jabkay aik tabqa ka khayaal hai ke sufi Safa se mushtaq hai lekin un saari tshrihat se dil mutmaen nahi hota.