Topics
اللہ تعالیٰ نے قرآن پاک میں ارشاد کیا ہے کہ ہم نے ہر چیز کو معین
مقداروں کے ساتھ تخلیق کیا ہے۔ عورت اور
مرد میں یہ معین مقداریں ہی انفرادیت قائم رکھتی ہیں۔
انسان کے اندر خون دور
کرتا رہتا ہے۔ ہوا،روشنی اور کاسمک ریز کے ذریعہ
ہر کی ایک کثیر مقدار ( جس پر انسان کی زندگی کے قیام کا انحصار ہے) انسان
کے اندر داخل ہوتی رہتی ہے۔ یہ زہر مسامات کے ذریعہ پسینہ اور بالوں کی شکل میں
خارج ہوتا رہتا ہے۔ یہی وجہ ہے کہ بال ان حصّوں پر زیادہ ہوتے ہیں۔جس جگہ خون کا دباؤ
نسبتاً زیادہ ہوتا ہے۔ مردوں کے
چہرہ پر داڑھی ہوتی ہے لیکن عورتوں کے چہرہ
پر بال نہیں ہوتے ۔ اس کی وجہ یہ ہے کہ عورتوں میں خون کا
یہ زہریلا اثر ایک مخصوص نظام کے تحت ہر ماہ خارج ہوتا رہتا ہے۔ اگر اس ماہانہ
نظام صفائی میں خلل یا کمی واقع ہو جائے تو خلل یا کمی کی مناسبت سے عورتوں کے
چہرہ پر بال نکل آتے ہیں۔ اس کے لئے ضروری
ہے کہ ماہانہ نظام کو بحال رکھا جائے۔
ایک پاؤ کلونجی پانی سے دھو کر دھوپ سکھالیں اور کھلے منہ کی صاف شفاف نیلے رنگ
کی شیشی میں بھر لیں۔ عشاء کی نماز کے بعد سو مرتبہ
فِی سِتَۃِ اَیَّا مٍٍ ثُمَ اسْتَویٰ
عَلیَ الْعَرْشِ
پڑھکر کلونجی پر دم کردیں اور شیشی کا
ڈھکنا بند کردیں۔اس طرح اکیس۲۱ روز تک کریں ۔بائیسویں روز سے صبح نہار منہ
چوتھائی چائے کا چمچہ کلونجی منہ میں ڈالکر دو تین گھونٹ پانی کے ساتھ نگل لیں۔ کلونجی کھانے کے آدھے گھنٹہ
بعد تک کوئی چیز کھانا پینا منع ہے۔ ایک پاؤ کلونجی ختم ہونے تک یہ
عمل جاری رکھا جائے۔
خواجہ شمس الدین عظیمی
اگر امراض اوران کی بیماریوں کو جمع کیا جائے تو ان کی تعداد سینکڑوں سے
تجاوزکرجاتی ہے ۔ ان امراض کی نوعیت اوروجوھات بھی الگ الگ ہیں ۔ روحانی نظریہ
علاج کے مطابق امراض کے دورخ ہیں ۔ ایک جسمانی اوردوسراذہنی یا روحانی ۔ جسمانی
نظام میں کسی بے اعتدالی ، کیمیائی یا طبعی تبدیلی کا نام مرض ہے ۔
روحانی نطریہ علاج میں ہرمرض کے خدوخال ہوتے ہیں اورہر مرض کا روحانی وجود بھی ہوتاہے ۔ یہ
دونوں رخ ایک دوسرے سے وابستہ ہیں ۔ موجودہ دورمیں نفسیاتی اورطبعی امراض کا جو
کردارسامنے آیا ہے اس کی روشنی میں اس کو سمجھنا مشکل نہیں ہے ۔ روحانی علم کا
نظریہ علاج یہ ہے کہ امراض کی جسمانی وجود کے ساتھ ساتھ روحانی یا ذہنی وجود پر
ضرب لگائی جائے اورذہنی طورپر اس کی نفی
کی جائے تو بہت جلد شفا حاصل ہوجاتی ہے ۔
نا صرف جلد شفا حاصل ہوجاتی ہے بلکہ پیچیدہ ولاعلاج امراض سے نجات بھی ممکن ہے ۔
اس کتاب میں شک اوربے یقینی کے طوفان سے پیداہونے والی تقریبا دوسو 200 بیماریوں
اورمسائل کو یکجا کرکے تعویذات اوروظائف کے ذریعہ ان کا حل پیش کیا گیا ہے ۔
