Topics
دماغ ، حلق ،
مسوڑھوں اور پھیپھڑوں کے متاثر ہو جانے سے یا کسی نامعلوم وجہ کی بناء پر دن یا
رات کو سوتے وقت ، منہ میں خون بھر جاتا ہے ، اور مریض کو بار بار خون کی کُلیاں
کرنا پڑتی رہیں۔ اور اس طرح جسم کا سارا خون نکل جاتا ہے۔ یہ حالت نہایت تشویشناک اور خطرناک ہوتی ہے۔ علاج یہ ہے:۔
عمدہ قسم کے روئی
لے کر، دو پھویوں پر ایک مرتبہ
بِسْمِ
اللّهِ الرَّحْمـَنِ الرَّحِيمِ
سَبِّحِ
اسْمَ رَبِّكَ الْأَعْلَى ۙ الَّذِي
خَلَقَ فَسَوَّى ۙ
وَالَّذِي
قَدَّرَ فَهَدَى ۙ وَالَّذِي
أَخْرَجَ الْمَرْعَى ۙ
فَجَعَلَهُ
غُثَاء أَحْوَى
پڑھکر دم کریں ۔اور
ایک ایک پھویا دونوں کانوں میں رات کو سوتے وقت رکھ لیں۔ اگلی رات یہ پھوئے نکال
کر دوسرے دو پھویوں پر دم کر کے کانوں میں رکھ لیں۔ عمل کی مدت سات روز ہے۔ پھوئے
جمع کر کے بہتے پانی یا کنویں میں ڈال دیں۔
اللہ کے کلام کی برکت
سے بہت آسانی کے ساتھ یہ مرض ختم ہو جاتا ہے۔ ایسے کئی مریض میرےپاس لائے گئے جو
مہینوں سے ہسپتال میں داخل تھے، معالج حیران و پریشان تھے کہ یہ خون کہاں سے آتا
ہے؟ مریض کو بار بار خون دیا جاتا تھا ور یہ خون بھی منہ کے راستے نکل جاتا تھا۔
اس فقیر نے اللہ پر یقین کے ساتھ علاج
تجویز کیااور سب مریض خدا کے فضل و کرم سے صحت یاب ہو گئے۔ معالج حضرات کے لئے یہ
بات معمہ بنی ہوئی ہے کہ یہ خون کس طرح بند ہو گیا؟
خواجہ شمس الدین عظیمی
اگر امراض اوران کی بیماریوں کو جمع کیا جائے تو ان کی تعداد سینکڑوں سے
تجاوزکرجاتی ہے ۔ ان امراض کی نوعیت اوروجوھات بھی الگ الگ ہیں ۔ روحانی نظریہ
علاج کے مطابق امراض کے دورخ ہیں ۔ ایک جسمانی اوردوسراذہنی یا روحانی ۔ جسمانی
نظام میں کسی بے اعتدالی ، کیمیائی یا طبعی تبدیلی کا نام مرض ہے ۔
روحانی نطریہ علاج میں ہرمرض کے خدوخال ہوتے ہیں اورہر مرض کا روحانی وجود بھی ہوتاہے ۔ یہ
دونوں رخ ایک دوسرے سے وابستہ ہیں ۔ موجودہ دورمیں نفسیاتی اورطبعی امراض کا جو
کردارسامنے آیا ہے اس کی روشنی میں اس کو سمجھنا مشکل نہیں ہے ۔ روحانی علم کا
نظریہ علاج یہ ہے کہ امراض کی جسمانی وجود کے ساتھ ساتھ روحانی یا ذہنی وجود پر
ضرب لگائی جائے اورذہنی طورپر اس کی نفی
کی جائے تو بہت جلد شفا حاصل ہوجاتی ہے ۔
نا صرف جلد شفا حاصل ہوجاتی ہے بلکہ پیچیدہ ولاعلاج امراض سے نجات بھی ممکن ہے ۔
اس کتاب میں شک اوربے یقینی کے طوفان سے پیداہونے والی تقریبا دوسو 200 بیماریوں
اورمسائل کو یکجا کرکے تعویذات اوروظائف کے ذریعہ ان کا حل پیش کیا گیا ہے ۔
