Topics
حضور علیہ الصلوٰۃ والسلام پرجان و مال قربان کردینے والے جانثاروں
کے دو مشہور طبقے ہیں۔ مہاجرین اور انصار۔
مہاجرین۔۔۔ وہ باوفا اور مخلص لوگ جنہوں نے حضور علیہ الصلوٰۃ
والسلام کی رفاقت کی سعادت حاصل کرنے کے لئے اپنا سب کچھ لٹا دیا۔ انصار۔۔۔ وہ فراخ دل اور پاک
باطن لوگ ہیں جن کو اللہ تعالیٰ کے آخری رسول حضور علیہ الصلوٰۃ والسلام اور
سینکڑوں مہاجرین کی میزبانی کا شرف حاصل ہوا اور انہوں نے اس انداز سے مہمان نوازی
کی کہ اس کی نظیر سے تاریخ کے اوراق یکسر خالی ہیں۔یہ قبیلے زمانہ جاہلیت میں
انصار نہیں کہلاتے تھے جب انہوں نے اسلام قبول کیا تو بارگاہِ الٰہی سے انہیں اس
معزز لقب سے نوازا گیا۔
’’ اور جنہوں نے پناہ دی اور مدد کی وہی سچے مومن ہیں ۔ ان کے لئے خطاؤں
سے درگزر ہے اور بہترین رزق ہے۔‘‘(سورۃ الانفال۔ آیت 74)
’’( اور وہ ان لوگوں کیلئے بھی ہے) جو مہاجرین کی آمد سے پہلے ہی ایمان
لاکر دارالہجرت میں مقیم تھے۔ یہ ان لوگوں سے محبت کرتے ہیں جو ہجرت کرکے ان کے
پاس آئے ہیں اور جو کچھ بھی ان کو دے دیا جائے اس کی حاجت یہ اپنے دلوں میں محسوس
نہیں کرتے اور اپنی ذات پر دوسروں کو ترجیح دیتے ہیں خواہ اپنی جگہ خود محتاج ہوں۔
حقیقت یہ ہے کہ جو لوگ دل کی تنگی سے بچا لیے گئے وہی فلاح پانے والے ہیں۔‘‘(سورۃ
الحشر۔ آیت 9)
خواجہ شمس الدین عظیمی
جملہ حقوق نوع انسانی کے لئے محفوظ ہیں
اس کتاب کا کوئی بھی حصہ یا پوری کتاب
ہر علم دوست انسان چھاپ سکتا ہے۔
نام کتاب : باران رحمت صلی اللہ علیہ وسلم
سن اشاعت: 27جنوری 2012
پبلشر: سیرت چیئر
شعبہ علوم اسلامیہ
بہاء الدین زکریا یونیورسٹی ملتان
