Barqi Nizam

Maday ke andar tafkr kya jata hey toh maadi qawaneen aur maadi khususiyaat maloom hoti hein. Jab hamara zehan maday ki geherai mein justojoo karta hey toh aisi duniya ka pata chalta hey jo madiyat ki bunyaad hey. Is ko hum lehron ki duniya ya roshni ki duniya keh saktey hein. Science daano ne maday ke ajzaye tarkeebi talaash kiye toh atom aur atom ke zarraat samnay aeye. Atomi zarraat mein aliktran ke baray mein maloomat haasil huien ke woh dohri khususiyaat ka maalik hey. Aik taraf maadi zarra hey toh doosri taraf lehar hey. Atom ke andar mojood lehron ka nizaam roshni ki duniya ka suraagh deta hey Chunanchey hum apne mahol mein jo kuch dekhte hein. Woh aik taraf maadi tashakkus rakhta hey aur doosri taraf roshni ka hayolaa hey. Roshni ke hole mein jo therikaat peda hoti hein. Isi ke mutabiq maadi tashakkus mein bhi tabdeelian wuqoo Pazeer hoti hein. Scienci usool ke mutabiq agar aliktran aur proton ki tadaad mein tabdeeli kar di jaye. Toh atom apni mahiat tabdeel kar deta hey. Nuclear amal mein urinium amal inshiqaq ke baad plotonim mein tabdeel ho jata hey. Goya woh atomi zarraat jo lehron ki duniya se talluq rakhtay hein, un mein tabdeeli waqay ho jaye toh Ansar shakal badal laita hey. Roshni ki duniya mein tabdeeli waqay hoti hey toh maadi tashakkus mein bhi tabdeeli aa jati hey. Jis terhan har maadi wujood ke sath barqi ro ka nizaam kaam karta hey isi terhan ensaan ke andar bhi barqi nizaam karfrma hey. Roohani science ke mutabiq ensaan mehez gosht post, hadion aur khoon se murakkab aik putla nahi balkay khaki wujood ke andar noori johar bhi hey aur yahi noori johar is ki asal hey. Johar barqi ro ya current hey.

Generator:

Ensaan ke andar buniyadi tor par teen generator kaam karte hein. Yeh generator teen terhan ke current peda karte hein. Un tenu current ke mjmoae ka naam ensaan hey.

Misaal:

Shama ya shama ki law teen ajzaa ka murakkab hey.

1.     Sholay ka rang

2.     Sholay ka ujala aur

3.     Garmi jo shama ke julne se peda hoti hey.

4.     Jab hum lafz shama kehte hein toh is se morad tenu ajzaa ki ijtimai shakal o soorat hoti hey. In tenu mein se kisi aik ko bhi shama ke wujood se allag nahi kiya ja sakta.

Shama ki terhan ensaan ke hawaas bhi teen barqi ro ke tabay hein. Tamam khayalat, tasawurat aur ehsasat, chahay woh zahiri hon ya baatini, thos hon ya lateef, barqi ro ki mukhtalif trkibon se tashkeel paate hein.

Un tenu generator ko aik markazi power station control karta hey. Jisay amar, rooh ya tajallii kehte hein.

Generator number 1 se peda honay wala current nihayat lateef aur taiz raftaar hey is ki qowat (potential) bhi na qabil bayan hadd taq ziyada hey. Yeh apni taiz raftari ki binaa par zehan ko kaayenaat ke tamam gooshon se munsalik rakhta hey. Raftaar ke taiz honay ki wajah se is current ka aks insani dimagh ki screen par bohat dhundlaa parta hey. Is aks ko wahima kehte hein. Tamam ehsasat aur tamam aloom ki ibtida wahima se hoti hey. Lateef tareen khayaal ka naam wahima hey jisay sirf idraak ki gehraion mein mehsoos kya jata hey. Wahima Gohr ho kar khayaal ban jata hey.

Generator number 1 se peda honay walay current ke do hissay hein. Aik ziyada taaqat ka haamil aur doosra kam taaqat rakhnay wala. Aik hi barqi ro pehlay taiz raftaar hoti hey or baad mein is ki raftaar kam ho jati hey. Ziyada taaqatwar ya taiz raftaar current kaayenaat ka shaoor ya kaayenaat ka record hai aur kam taaqat ka haamil current wahima kehlata hey.

Generator number 2 se bhi do terhan ki barqi ro peda hoti hey aik manfi aur doosri misbet. Manfi lehar wahima mein daakhil hoti hey toh wahima khayaal ban jata hey. Khayaal wahima ki tafseeli soorat hey. Lekin yeh bhi nigah se posheeda rehta hey. Khayaal par misbet current ghalib aa jaye toh woh tasawwur mein dhal jata hey. Khayaal mein khadd-o-khaal peda ho jayen toh usay tasawwur kehte hein. Tasawwur aisa khaka hey jisay nigah toh nahi dekhatii lekin zehan shakal o soorat ka ihata kar laita hey.

Generator number 3 ki barqi ro ka kaam ehsasat ko geherai bakhshta hey. Yeh barqi ro mouj ki shakal rakhti hey. Yani is ki aik harkat oopar ki taraf aur doosri neechay ki janib hoti hey. Baalfaz deegar yeh do harkaat, do terhan ke ehsasat zehan ko ataa karti hein. Oopar ke rukh harkat ya saoodi harkat ehsasat mein rangeeni hey. Is harkat mein tasawwur itna gehra ho jata hey ke aadmi be ikhtiyar amal ki taraf khinchnay lagta hey. Nazooli harkat ya neechay ki harkat amal ya muzahira hey. Amar ya tajallii mein kaayenaat ka majmoi ilm record ki soorat mein mojood hey. Yeh record harkat mein aa kar wahima ban jata hey. Is harkat ko current number 1 kaha gaya hey.

Current number 2 ki manfi lehar wahima ko khayaal ki shakal o soorat ataa karti hey aur khayaal ke zariye tamam makhloqaat aik rishte mein bandhi hui hein. Yahi wajah hey ke makhloqaat mein takazey mushtarik hein maslan bhook, pyaas, ranj, gussa, baqaye nasal ka jazba waghera.
Current number 2 ki misbet lehar ensaan ko apni nau ke tasawurat se aashna karti hey.

Current number 3 ka nazooli rukh ehsasat mein thos pan hey aur saoodi rukh ehsasat mein rangeeni hey. saoodi rukh mein aadmi ke tamam ehsasat jism se apna rishta munqita kar ke Zaman o makaan se aaza dho jatay hein. Nazooli rukh mein aankhh, kaan, naak, haath paon ke zariye hawaas ka muzahira hota hey aur saoodi rukh mein Basarat, samaat, guftaar aur lams ki salahiyaten aaza ke baghair kaam karti hein.
Aadmi ke zehan se tenu current guzarte hein aur woh back waqt tenu kaifiyat mein safar karta hey lekin jis current ka aks zehan ki screen par gehra hota hey, aadmi isi ki khususiyaat mein khud ko mutharrak daikhta hey. Agar current number 3 par current number 2یا current number 1 ka (sensation) ghalib aa jaye toh aadmi tasawwur, khayaal aur wahima ki raftaar se safar karne lagta hey aur yeh tamam makhfi ittllaat tasweerai film ki soorat mein samnay ajati hein.

Muraqba ki mashq se current number 2 aur current number 3 ki taaqat bherne lagti hey. Taaqat bherne se morad yeh hey ke dimagh ka receiver in ittllaat ko ziyada behtar wusool karne lagta hey.

Teen current:

Abhi hum bayan kar chuke hein ke ensaan ke andar teen barqi current kaam karte hein. Baalfaz deegar ensaan ke andar jo salahiyaten kaam karti hein woh teen dairon mein Mazhar banti hein. Yeh tenu current mehsosaat ke teen hyole hein aur har hayolaa mukammal tashakkus rakhta hey. Har current se ensaan ka aik jism wujood mein aata hey. Is terhan aadmi ke teen wujood hein ya aadmi teen jism rakhta hey. Maadi jism, roshni ka bana hua jism aur noor se bana hua jism. Yeh tenu jism back waqt mutharrak rehtay hein. Lekin maadi jism (shaoor) sirf maadi harkaat ka ilm rakhta hey. Misaal ke tor par maadi jism ke andar la tadaad af-aal waqay hotay rehtay hein. Phephray hua khinchte hein, jigar ke andar hazaar taamulat barsar amal rehtay hein, dimagh ke andar barqi ro ke zariye heran kin karishma jari rehta hey. Puranay khaliyaat fanaa hotay hein naye khaliyaat bantay hein. in mein se aksar aamaal ko hamara shaoor mehsoos nahi karta aur nah hamara shaori iradah in ko control karta hey. Shaori iraday ke baghair yeh aamaal khud bakhud aik tarteeb se waqay hotay hein. Hamaray andar roshni aur noor ke jism bhi kaam karte hein. Lekin shaoor inhen mehsoos nahi karta. Sirf khawab ya mraqbe ki kaifiyat aisi hein jin mein hamein roshni ke jism ka ehsas hota hey. in kaifiyat mein hamara maadi jism moattal rehta hey. Is ke bawajood hum zindagi ka har feal injaam dete hein.

Is kefiyat mein roshni ka jism harkat karta hey. Is jism ko hayola jism misali bhi kehte hein. Agar khayaal ki qowat ko barhaya jaye toh jism misali ki harkaat samnay aa jati hein. Aur hum jism misali ko iraday ke tehat istemaal kar saktey hein. Jism misali ki raftaar maadi jism se saath hazaar gunah ziyada hey. Khawab mein noor ka jism bhi mutharrak ho jata hey lekin raftaar itni taiz hoti hey ke hum noorani waardaat ko yaad nahi rakh paate noor ka jism roshni ke jism se hazaron gina taiz safar karta hey. Agar khayaal ki taaqat mein matlooba izafah ho jaye toh aadmi noor ke jism se muta-arif ho jata hey.

roohani log muraqba par uboor haasil kar ke roshni aur noor dono mein safar karte hein. Mraqbe ke zariye aadmi ki shaori kaifiyat roshni ke jism mein tahleel ho jati hein aur aadmi roshni ki raftaar se safar karne lagta hey. Usay woh baatein maloom ho jati hein jo roshni ke andar mojood hein. Yeh baat wazeh kar dainee zurori hey ke yahan roshni se morad woh roshni nahi hey jo hamein nazar aati hey balkay yeh is roshni ka tazkara hey jo zahiri aankhon se nazar nahi aati. Isi terhan jab shaori kaifiyat noorani duniya mein jazb ho jati hein toh noor ka jism barsar amal aa jata hey. Is waqt aadmi noor ki shu-aon ke zariye zamaniyat aur matkaniya ko tey karne lagta hey.