Topics

اسلاف
ہمارے بچے دراصل ہمارے اسلاف ہیں۔ ان کی تربیت اس طرح کرنی چاہئے کہ کل یہ بچے اسلاف کے مقام پر فائز ہو جائیں۔
انتقام
انتقام ہلاکت و بربادی ہے۔ غفو و درگزر اللہ کا انعام ہے۔
نتائج
وسائل کے لئے پوری کوشش کرولیکن اللہ کے اوپر چھوڑدو اس لئے کہ نتائج کا تعین غیب سے ہے۔
دل
جو چیز باہر نہیں ہے اس کو باہر ہزاروں سال بھی ڈھونڈا جائےنہیں ملے گی۔ ظاہر و باطن اللہ ہر شخص کے اندر ہے۔ آدمی کا دل اللہ کا گھر ہے۔
بچہ
جب بچہ پیدا ہوتاہے تو کوئلہ کیطرح ہوتا ہے ۔ استاد اسے تراش کر ہیرا بنا دیتاہے۔
بچے
بچے اللہ میاں کے باغ کے پھول ہیں۔
غصہ
غصہ آگ ہے۔ آگ دوزخ ہے ۔ دوزخ نار جہنم ہے۔
ماں
ماں کی خدمت انسان کو حضرت اویس قرنی بنا دیتی ہے۔
اعلیٰ ظرف
اعلیٰ ظرف لوگ مخلصانہ خدمت کرتے ہیں۔
کم ظرف
کم ظرف دوسروں سے توقعات قائم کرتے ہیں۔
دسترخوان
دسترخوان وسیع ہونا چاہیئے ۔ اللہ خود چاہتا ہے کہ مخلوق اللہ کے دستر خوان سے خوش ہو کر کھائَ پیئے۔
سخاوت
سخاوت اعلیٰ ظرف لوگوں کا شیوہ ہے۔
دولت
مال و زر دولت و دنیا انسان کے لئے بنائی گئی ہیں ۔ جب کہ انسان یہ باور کرانے میں مصروف ہے کہ اسے دنیا کے لئے بنایا گیا ہے۔
اللہٰ کی طرز فکر
کسی کو بنانے کیلئے اپنا سب کچھ کھونا پڑتا ہے۔ سچا استاد وہ ہے جو شاگرد کی طرز فکرمیں  اللہٰ کی طرز فکرشامل کردے اور یہ اس وقت ہوتا ہے جب استاد کی طرز فکر اللہ کی طرز فکر  کے مطابق ہو۔
زمین
ہماری اصلی ماں زمین ہے ۔ جب تک آدمی زندہ رہتا ہے ۔ زمین ہماری کفالت کرتی ہے اور جب آدمی مر جاتا ہے تو زمین ہماری ماں مادی جسم کے تعفن کو اپنے اندر چھپا لیتی ہے۔
سترہ مقامات
ازل سے زمین تک آنے میں اور زمین سے ازل تک پہنچنے میں ہر انسان کو تقریباً سترہ مقامات سے گزرنا پڑتا ہے۔