Topics

AAFAT E ARZI O SAMAWI SE MEHFOOZ REHNEY KA TAREEQA

Jab  koi quom Allah Tallah ke banaye hooye kanoon se inheraaf karti hey aur khair o shar ko jantey bhoojtey kanoon shikni ki murtakib hoti hey to eis ke andar yakeen ki qoowatein aur kam se kam ho jati hain.Jaisey jaisey yakeen

kamzor parta hey eis ke aqaayed mein sokum waqey hota hey aur eis sokum ki wajah se koi quom tauhmaat mein mubtala ho jati hey.Tauhmaat ke ghalbey se insaan ke ander waswasey janam letey hain.In   waswason ki wajah se eis ke ander hirso hawas eis qadr barh jati hey ke zindagi ka daar o madaar Allah Tallah ke bajaye wasaayl per reh jata hey.Yehi who marhala hey jahan se qomon ka zavaal shiroo hota hey aur qanoon e qudrat choonke aisee quomon ko bardasht nahi karta eis liye eis ke ooper afaate arzi o samawi naazil hoti hain.

Iradah aur amal ke sath be yakeeni ko khatam karney ki koshish karni chahiye aur afaate arzi o samawi se mehfooz rehney ke liye 9 inch chorey(wide) aur 12 inch lambey (long) safaid art paper ke ooper siyah chamakhdar roshni se bohat khoobsorat likh ker ya likhwa ker yeh naqsah apne ghar mein aweizan karein.

ager khuda na khuasta koi waba pehal gayee ho to yeh hi naqsh safaid cheeni ki teen(3) paleton per zafraan aur arq e gulaab se likhen aur subah,shaam aur raat ko paani se doh ker sarey ghar waley piyein.Penney mein paani pakka ker eistemal kiya jaye.

Note:   Ager zafraan dastiyaab na ho ya khareedney ki eistetaut(capacity) na ho to kahney ka zard rang eistemaal karein.

Topics

ROOHANI ELAAJ View

ROOHANI ELAAJ

KHWAJA SHAMS-UD-DEEN AZEEMI

Shak aur be yaqeeni  ke  toofan  se peida honey wali  taqreeban doso 200 beemariyon aur masaail ko yakjaa kar ke es kitaab mein un ka hal shaaya kiya ja rahaa hai.

Kitaab “Roohani Elaaj” mein jitney bhi amraaz ka elaaj aur masaail ka hal peish kiya gaya hai, Who sub mujhey silsila e uwaisia, Qalandaria, Azeemia se muntakil hooye hain aur es faqeer ney en sub amaliyaat ki zakaat adaa ki hai.

Mein allah ki makhlooq ki khidmat ke liye es roohani faiz ko aam karta hoon aur  sayadna huzoor alleh es salaato wa salaam ke waseela se dast ba duaa hoon ke allah taala meri koshish ko sharf e qubooliyat bakhshein aur apney bandon ko sehat ataa farmaayein mushkilaat o masaayeeb aur pareeshaniyon se mehfooz rakhein.