Spiritual Healing
Taiyfaiyd bukhar ager muddat poori honey se pehley utaar diya jaye to akser auqaat bachon ko poliyo ho jata hey.Ab yeh marz itna aam ho gaya hey ke eis ki tashreeh karna zaroory nahi hey.Eik chutki cheeni aur eik baareek se baareek sui(needle) lein.stainless steel ya chaandi ke katourey mein do teen ghoont pani bharlein.Eik martabah “ یَا وُدُوْدُ Ya woodoodo” parhein.Sui per phoonk marein aur sui ki nok cheeni se choo ker pani mein doba dein.Ab sui ko saaf shifaf safaid kaprey se achi tarhan saaf kerlein.Eis tarhan ke sui per pani ka koi aser baki na rahey.Eisi tarhan sui daboney ka yeh amal 101 bar karein.Eis pani mein zafraan shaamil ker ke roshnayee banalein aur eis roshnayee se
Teen platoon per likh ker subha,shaam aur raat ko pani se dho ker pilayein.Yehi
taaweez eisi roshnayee se baalshit bhar chikney aur motey kaghaz per likh ker
mutaasirah Uzv per din mein teen baar ghari ki soiyoon ki gardeish ke mutabiq malein.Yeh
kaghaz phat janey per doosrey kaghaz per taaweez likha jaye.Elaaj dair talab
hey.Yakeen aur dil jamyee ke sath jari rakhein faidah yakeeni hey.Ghiza mein
sard aur baadi cheezoon mein namak se perhaze zaroory hey.
NOTE:-Uzv per malney waley taaweez per bismillah na likha jaye
KHWAJA SHAMS-UD-DEEN AZEEMI
Shak aur be yaqeeni ke toofan
se peida honey wali taqreeban doso 200 beemariyon aur masaail ko
yakjaa kar ke es kitaab mein un ka hal shaaya kiya ja rahaa hai.
Kitaab “Roohani Elaaj” mein jitney bhi amraaz ka
elaaj aur masaail ka hal peish kiya gaya hai, Who sub mujhey silsila e uwaisia,
Qalandaria, Azeemia se muntakil hooye hain aur es faqeer ney en sub amaliyaat
ki zakaat adaa ki hai.
Mein allah ki makhlooq ki khidmat ke liye es
roohani faiz ko aam karta hoon aur sayadna
huzoor alleh es salaato wa salaam ke waseela se dast ba duaa hoon ke allah
taala meri koshish ko sharf e qubooliyat bakhshein aur apney bandon ko sehat
ataa farmaayein mushkilaat o masaayeeb aur pareeshaniyon se mehfooz rakhein.
