ابا آدم —اماں حوا کے بچو

دوست بھائیو ،      بہنو— السلام علیکم !

کہا جاتا ہے  کہ بعض چیزیں جاندار اور بعض بے جان  ہوتی   ہیں۔ حقیقت یہ ہے کہ  دنیا  اور اس  میں  رہنے والی تمام  مخلوقات جاندار ہیں۔کوئی مخلوق    بے جان نظر نہیں آتی  مثلا ً سیب ، پالک ، کیلا ، انگور ، پانی،    پرندے ، درندے ، چرندے ،   ہوا ، زمین ، پہاڑ ، درخت ۔  ہر مخلوق کے ہر فرد میں جان ہے اور یہ اس کی پہچان کا ذریعہ ہے ۔

آدمی  مٹی کو بے جان  اور خود کو جاندار کہتا ہے   جب کہ خود مٹی  سے  بنا ہے ۔ مٹی سے بنے آدمی   میں سے جان نکل جائے   تو         و ہ               پانی        پی سکتا   ہے           نہ  خود   پر بیٹھی     ہوئی  مکھی اڑا          سکتا ہے ۔ آدمی  کی   کیا        حیثیت ہوئی؟

۔۔۔

۱۔آپ نے چابی سے چلنے والی گڑیا دیکھی ہے ۔   چابی بھر نے سے   گڑیا  حرکت کرتی ہے ، چلتی ہے،  دوڑتی ہے ،تالیاں بجاتی ہے ، میٹھی میٹھی  باتیں کرتی  ہے  لیکن  چابی ختم ہوتے ہی   بے حرکت ہو جاتی ہے۔گڑیا نے کب حرکت کی اور چلتے چلتے       کیوں        رک  گئی ؟    یہ بھی سوچنے کی بات ہے کہ چابی کیا ہے؟

-۲غبارے کئی شکل کے ہوتے ہیں۔  کچھ غبارے ہوا بھرنے سے گول توند    بن   جاتے   ہیں ، کچھ غباروں میں پھونک بھرنے   پر    چڑیا ،   فاختہ ،  چیتا ،    بھالو  اور آدمی نظر آتا  ہے۔  ہوا    نکال  دی   جائے   تو    غبارے    کی   حیثیت  ربر     یا     پلاسٹک ہے۔ غبارے میں نقوش کب ابھرتے ہیں—؟ جب اس میں ہوا داخل ہوتی ہے۔ آنکھ، ناک،         ہونٹ ،       ہاتھ ،           پیر  ظاہر   ہوتے     ہی            بچے    کہتے      ہیں کہ        یہ         بھالو،     بلیّ،     ہد ہد     ، شیر             یا       آدمی     ہے۔

 اہمیت کس کی ہوئی—؟ غبارے    کی    یا      غبارے میں ہوا کی؟ 

مخلوق غبارہ ہے۔ہر مخلوق پیروں سے چلتی ہے،ہاتھوں سے پکڑتی ہے، آنکھوں سے دیکھتی ہے ، دماغ سے سوچتی ہے   اور       روح      کی وجہ سے حرکت کرتی ہے ۔اللہ نے جب اپنی روح پھونکی تو جسم  چلتا پھرتا  وجود بن گیا۔  روح نکل جائے     تو      بے جان  جسم  کیڑے             مکوڑوں           کی       خوراک     بن     جاتا          ہے ۔

دل کا سرور، پیارے بچو—  آپ نے بانسری دیکھی ہے۔  یہ بانس سے بنتی ہے۔ گول  اور لمبی ہوتی ہے۔ اس میں سوراخ ہوتے ہیں۔ اس میں  اپنا کوئی    ساز نہیں لیکن جب  بانسری نواز  اس میں خاص لےَ سے  پھونک مارتا ہے تو          بانسری         بولتی ہے اور سننے        والے  خوش        ہوتے         ہیں ، کچھ لوگ رقص بھی کرتے ہیں۔

 یہ کس کی آواز ہے ؟     اگر بانسری کی    ہے   تو    پھونک     مارنے    سے     پہلے   اس  میں آواز     کیوں نہیں تھی؟

میں اپنے بچوں کو راز کی ایک بات سمجھانا چاہتا ہوں۔ قابل ِ احترام اساتذہ اور گھر کے بزرگ یہ بات سمجھتے ہیں،ان سے پوچھئے۔غبارہ ، گڑیا  یا  بانسری لے کر تجربہ  کیجئے  —جو کچھ لکھا ہے، اسےسمجھ کر  پڑھئے اور  ’’بچوں کا قلندر شعور ‘‘ کو لکھ کر بھیجئے کہ  گڑیا، بانسری ، ہد ہد ،  غبارے  اور آدمی میں حرکت کیا           ہے—؟

  اللہ حافظ

آپ کا دوست