سلسلہ عظیمیہ کے اغراض ومقاصد

لازوال ہستی اپنی قدرت کا فیضان جاری وساری رکھنے کے لئے ایسے بندے تخلیق کرتی ہے جو دنیا کی بے ثباتی کا درس دیتے ہیں خالق حقیقی سے تعلق قائم کرنا در آدم زاد کو اس سے متعارف کرانا ان کامشن ہوتا ہے۔

سیدنا حضور علیہ الصلوۃ والسلام کے وارث ابدال حق حسن اخری محمد عظیم برخیا امام سلسلہ عظیمیہ قلندر بابا اولیا کی تعلیمات کا نچوڑ یہ ہے ۔انسان کو محض روٹی کپڑے کے حصول اور آسائش وزیبائش ہی کے لئے پیدا نہیں کیا گیا بلکہ انکی زندگی کا اولین مقصد یہ ہے کہ وہ خود کو پہچانے، اپنے رحمت للعالمین محسن انسانیت  صلی اللہ علیہ وسلم کا قلبی اور باطنی تعارف حاصل کرلےجن کے جود و کرم اور رحمت سے ہم ایک خوش نصیب قوم ہیں۔ اور جن کی تعلیمات سے انحراف کے نتیجے میں ہم دنیا کی بدنصیب اور بدترین قوم بن چکے ہیں۔

سلسلہ عظیمیہ کے اغراض ومقاصد:

ا۔ صراط مستقیم پر گامزن ہو کر دین کی خدمت کرنا ۔

 ۲۔ رسول اللہ صلی اللہ علیہ وسلم کی تعلیمات پر صدق دل سے عمل کر کے روحانی مشن کو فروغ دینا۔ اپنی باطنی نگاہ کو بیدار کرکے رسول اللہ صلی اللہ علیہ وسلم کی زیارت سے مشرف ہونا ۔

۳۔ مخلوق خدا کی خدمت کرنا ۔

۴۔ علم دین کے ساتھ ساتھ لوگوں کو روحانی اور سائنسی علوم حاصل کرنے کی تر غیب دینا۔

 ۵۔ لوگوں کے اندر ایسی طرزفکر پیدا کرنا جس کے ذریعہ وہ روح اور اپنے اندر روحانی صلاحیتوں سے باخبر ہوجائیں۔

۶۔تمام نوع انسانی کو اپنی برادری سمجھنا. بلا تفریق مذہب وملت ہرشخص کے ساتھ خوش اخلاقی سے پیش آنا اور حتی المقدوران کے ساتھ ہمدردی کرنا۔