Topics
Kisi ilm ki quna taq pounchnay ke liye geherai taq jana zaroori he.
Saathi soch se kisi ilm ki quna taq pohanchna mumkin nahi he. Duniya ka koi bhi
ilm aisa nahi he jis mein tahaqeeq, tajassus, talaash aur geherai maujood nah
ho. Jaisay jaisay hum kisi ilm ke andar tafakkurkarte hein, isi munasbat se is
ilm mein hamein naye naye nuqtay nazar atay hein aur jab hum un nakaat par aur
ziyada gehri nazar se tafakkurkarte hein toh ilm ki be shumaar shaakhein ban
jati hein. Jis ilm ke baare mein jitne ziyada log tafakkurkarne walay maujood
hotay hein, ya kisi ek ilm ki research mein jitne ziyada bahosh dimagh shaamil
ho jaathay hein, woh ilm isi munasbat se taraqqi karta rehta he aur mabsoot ilm
ban jaatha he. Aisa ilm jis ka apna ek nazriya, ek falsafah aur apna ek tarz
istadlaal hota he.
Maujooda daur mein scienci uloom mein bhi yahi amal karfarma he. Ek
science daan ne ilm ke kisi ek shoba par tafakkurkiya aur tafakkurkarte karte
woh kisi misbet nateejay par pouncha aur mar gaya. Doosray science daan ne is
ilm ko agay badhaya aur nateejay mein kuch roshan pehlu aur numaya ho gay. Isi tarah
ziyada se ziyada aali dimagh is tahaqeeq mein shareek hotay rahe aur ilm ki ek
hesiyat kayam ho gayi. Ek theory ban gayi. Phir yeh ilm aur agay badha aur is
mein mazeed ba himmat, bazoq dimagh shareek hue aur is theory ko practical ki
soorat de di gayi. Nateejay mein ek aisa ilm tashkeel pa gaya jis se koi aqal
ka andha bhi inkaar nahi kar sakta. Har naye ilm ko ilmi hesiyat dainay aur
awam al naas se muta-arif karne ke liye is ilm ki mukhtalif tarzon mein, mukhtalif
baraon mein, misalon se aur nayi nayi targhibat aur tashbihaat se tashreeh ki
jati he. Jaisay jaisay yeh tashrihat dimagh ke oopar warid hoti hein, shaoor un
se aashna hota rehta he. Nateeje mein shaoor geherai mein safar karne lagta he.
Taalib ilm jab shaoor ki geherai mein daakhil hojaatha he toh, is ke samnay lashaoor
ka darwaaza khul jaatha he. Jab koi roohani musafir, ilm Ellahi ke rastay par
safar karta rehta he aur shaoor ki geherai se guzar kar lashaoor ki geherai
mein daakhil ho jaatha he toh, is ke oopar varaye lashaoor ka darwaaza khul jaatha
he. Varaye shaoor aisa ilm he ke, jahan insaan jaan letha he ke kainat kis ne
banai he, kis tarah bani. Kainat ki takhleeq mein kon kon si maslhatin karfarma
hein.
Agar insaan ke andar tafakkur ki rahein maujood hon toh theory se
guzar kar practical mein daakhil hona, kainat aur kainat bananay walay ko jaan
lena, is se humkalam hona aasaan amal ban jaatha he.
KHWAJA SHAMS-UD-DEEN AZEEMI
Zaman
o makaan (time & space) ek lamhe ki taqseem dar taqseem he aur lamhe ki taqseem, ittila he; jo har aan
lehron ke zariye insani dimagh par warid hoti he. Agar hum un ittilaat ka
mukhzan (source of information) maloom karna chahein toh is ka zariya roohani
uloom he, aur roohani uloom ke liye danishwaron ko beharaal Quran mein tafakkur
karna padega.
