Qarar Makeen

Quran pak mein he:

“Hum ne har cheez ko moueen mikdaron mein pedha kiya he.”

Taffakur kiya jaye toh, saari kainat mein yahi kanoon jari o saari he. Har cheez har no apni makhsoos moueen mikdaron ke saath kayam he, aur usay barqarar bhi rakhti he aur nasal dur nasal unhi moueen mikdaron ko muntaqil karti rehti he. Maslan billi ki nasal kutta nahi hoti, bakri ke batan se sher pedha nahi hota aur no-insani se insaan ke ilawa doosri koi no takhleeq nahi hoti.

Kanoon yeh bana ke, har no apni moueen mikdaron ki wajah se apna alag tashkees rakhti he aur unhi moueen mikdaron ki nasal dur nasal muntaqili se har no ka alag alag tashkees kayam rehta he.

Moueen mikdarein kya hein?

Moueen mikdarein darasal roshniyan hein, jo ek khaas tanasub se radd o badal ho kar kisi no ki takhleeq karti hein. Un takhleeq karne wali roshiniyon ko azeem roohani science daan Qalandar Baba Aulia ne nasma murakkab ka naam diya he.

Quran is haqeeqat ko in alfaaz mein bayan karta he,

“Allah roshni he asmanon aur zameen ki.”

Hazrat Eesa aleh salam nE farmaya he:

God said light and there was light

“Allah ne kaha roshni! Aur roshni maujood ho gayi.”

Kerlen photography ke zariye nasma ke roshan aks ki tasweer ko science daan kerlen ne aura ka naam diya he.

Parapsychology ki lamehdood nazar hamein batati he ke, yeh moueen mikdarein kis tarah display karti hein. Roshiniyon ki yeh moueen mikdarein kahin electron, proton aur neutron ki soorat mein apna muzahira kar rahi hein, toh kahin chromosome ki moueen tadaad mein fa-aal aur mutharrak hein. Is baat ko samajhne ke liye kayi misalein hamaray samnay hein.

Kisi bhi ansar ko agar dekha jaye toh har ansar ka atom ka number aur atom ka weight hota he.

Yeh atom ka number kya he?

Yeh kisi ansar mein maujood electron ya proton ki tadad ko zahir karta he yani har ansar ek makhsoos tadaad mein maujood electron ya proton ka muzahira he. Agar kisi tareeqay se is ansar mein maujood proton ki tadaad ko tabdeel kar diya jaye toh yeh ansar iski tabdeeli ke mutabiq doosre ansar ki heyat ikhtiyar karega.

Nazriya rang o noor ka shaoor hamein batata he ke, jandaroon mein roshiniyon ki yeh moueen mikdarein chromosome ki shakal mein apna muzahira karti hein.

Mahireen jiyaat is haqeeqat se poori tarah waaqif hein ke har no ke liye chromosome ki alehda aur makhsoos tadaad he. Billi ke liye alehda, bakri ke liye alehda, sher ke liye alehda aur insanon ke liye alehda chromosome  ki tadaad muqarrar he.

No-insani mein chromosome ke 22 jodey (kal 29 chromosome) hotay hein. Roshiniyon ka makhsoos tanasub ya moueen mikdarein darasal kisi no ka takhleeqi formula he. Yahi noi formula nasal dur nasal muntaqil hota rehta he. Jis ki wajah se kisi makhsoos no ka apna alag tashkees barqarar rehta he.

Noi formule ki moueen tadaad nasal dur nasal kaisay barqarar rehti he? Is ko samajhne ke liye hamein takhleeqi amal ka jaiza lena hoga. Insani jism mein har waqt khalion ki toot phoot aur taqseem jari rehti he. Is taqseem se naye naye khaliye taamer hotay rehtay hein. Naye bannay walay tamam khalion mein chromosome  ki tadaad wohi rehti he jo ke puranay khalion mein thi. Yani puranay khalion mein 49 chromosome hein toh naye bannay walay khaliyaat mein bhi 49 chromosome honge. Lekin toleedi nizaam mein jahan takhleeqi khaliye yani sperms (mard mein) aur ova (aurat mein) bantay hein, khalwi tahkeef is tarah hoti he ke, khalion mein chromosome ki tadaad aadhi reh jati he.

Quran pak mein takhleeqi amal ko baday aasaan piraye mein bayan kiya gaya he.

“Aur Hum ne banaya aadmi ko bajri matti se. Phir Hum ne rakKha is nutfa ko qarar makeen (reham madar) mein phir banaya nutfa se alqa, phir banaya is alqa se mazgha, phir banaya mazgha se asma, aur phir chadhaya asma par lahma, phir utha kar khada kiya is ko ek nayi soorat mein. So badi barkat Allah ki jo sab se behtar bananay wala he.”

Sperm yani nutfa aur ovaabis mein miley aur milaap ke nateejay mein jo cheez bani is ko Quran hakeem alqa (zygote) ka naam deta he. Alqa taqseem dur taqseem ho kar mazgha (blastocyst) ki shakal ikhtiyar kar letha he.

Alqa bannay ke saat ya aath din baad qarar makeen yani reham madar mein apni jagah bana letha he. Mazgha jahan par apni jagah bana letha he, wahan par iski aur maa ki sharianon aur wareedon ki chote chote jallain ban jati hein jo ke aapas mein bohat qareeb hoti hein. Isi rabita ke zariye bachche ko khuraak milti he. Ab mazgha se asma bana, aur isi asma par gosht chada yani ibtidayi shakal mein bachcha (embryo) wajood mein aagaya. Phir usay mukammal bachcha bangaya. Yeh sara takhleeqi amal reham madar mein hota he.

Bachcha ladka ya ladki hota he, agar nasma murakkab mein kaam karne wali roshiniyon ka rang lateef he, ya roshiniyon ki density kam he, toh ladki pedha hogi aur agar roshiniyon ki density ziyada he, toh ladka pedha hoga. Is baat ko wazeh tor par samajhne ke liye hum phir chromosome  ki taraf atay hein.

No-insani mein maujood chromosome ke 23 jodon mein woh jora sex chromosomes kehlata he aur yeh muzakar aur monas mein mukhtalif hota he. Muzakar mein yeh xy ki shakal mein hota he aur monas mein yeh xx ki shakal mein hota he.

Agar moueen mikdaron ke makhsoos process se takhleeqi amal mein roshiniyon ki density ziyada hojaye toh x aur y chromosome aapas mein mil jaathay hein. Is amal se muzakar jins ki takhleeq hoti he (y chromosome mein kaam karne wali roshiniyon ki density ziyada hoti he). Agar roshiniyon ki density kam he yani roshiniyon mein latafat ziyada he toh x aur x chromosome ke milnay se monas jins ki takhleeq amal mein aati he.

Takhleeqi lehaaz se aurton mein neela rang ghalib hota he aur mardon mein gulaabi rang ghalib hota he. Chromosome ki saakht par agar ghor kiya jaye toh yeh baat samnay ajati he ke, yeh jodon ki shakal mein hotay hein. Un mein se har jodey ka ek baazu maa ki taraf se aur doosra baap ki taraf se hota he.  Chromosome  protein aur DNA sey  milkar bana he. DNA ki ikai ko gene kaha jaatha he. Gene hi ke zariye maa baap ka shaoor aur aadaat o atwaar bachche ko muntaqil hotay hein. Mahol se bachcha jo kuch seekhta he woh bhi isi gene mein store hota he. Vrasti bemariyan, khayalat o tasawurat, salahiyaten, shakal o shabahat, blood group, rang o roop, khandani iqdaar sab kuch gene mein record ki soorat mein maujood he. Maadi tor par dekha jaye toh gene darasal noi record he.

Bachche ka aadha shaoor walidain se banta he aur aadha shaoor mahol se banta he.  Nasma pehlay khyaal qubool karta he phir yeh khyaal gene taq pohanchatha he aur yahi gene khaliya ko hidayat deta he aur khyaal ko amli jamea pehna deta he. Saari zindagi unhi hidayat par amal daraamad hota rehta he.

Douran hamal kis tarah maa ke tasawurat bachche par asar andaaz hotay hein is ki bohat si misalein maujood hein. Maslan douran hamal agar maa pareshan he, be sukoon he, toh bachcha dimaghi tor par kamzor hota he.

Misaal:

Ek angraiz maa ke batan se ek aisa bachcha pedha hua jis ke naqsh o nigaar aur rang habshi nazaad bachchon ki tarah the. Mota naak naqsha, ghongriyalay baal, siyah rang, chaura chukla seenah aur mazboot asaab, bachcha ki pedaish ke baad baap ne is haqeeqat ko tasleem nahi kiya ke bachcha is ka he. Jab maamla bohat ziyada ulajh gaya aur tahaqeeq o tafteesh apni intahaa ko pohanchi toh yeh raaz khula ke maa hamal ke zamane mein jis kamray mein rehti thi, wahan deewar par ek habshi bachche ka photo awezan tha. Baday baday nafsiat daan, danishvaron aur doctoron ka board betha aur bahami salah o mashwaray aur afham o tafheem se yeh baat tey payi ke is kamray mein ek habshi bachche ka photo laga hua tha aur aurat hamal ke zamane mein bachche se fitri aur tabee tor par qareeb rahi aur baar baar habshi bachche ko dekhti rahthi thi. Dekhnay mein itni geherai pedha ho gayi ke is ki feeling (feeling) peit mein maujood bachche mein muntaqil ho gayi.

Doosra tajurbah yeh kiya gaya ke, doosri baar jab woh umeed se hui toh wahan ek khubsoorat angraiz bachche ka photo awezan kiya gaya aur tajribati tor par maa ko hidayat ki gayi ke is photo ko ziyada se ziyada dekha jaye. Is ka nateeja yeh nikla ke pedha honay walay bachche ke nuqoosh taqreeban wohi they jo deewar par lagey hue photo ke they.