Topics
باجی سیّدہ سعیدہ خاتون عظیمی نے ایک طویل عرصہ تک سلسلہ عظیمیہ کے مشن کے فروغ کے لئے نہا یت ہی شاندار خدمات سر انجام دیں۔ آپ
نے برطانیہ ، یورپ اور امریکہ میں سلسلے کے فروغ کے لئے انتہائی اہم اور سرگرم رکن کی حیثیت سے اپنا
کردار ادا کیا۔
آپ مرشد
کریم حضرت خواجہ شمس الدین عظیمی صاحب کی روحانی اولاد اور ہونہار شاگرد تھیں۔
عاقب پر اللہ اور اُس کے رسول نبی کریم ﷺ کی خصوصی نوازشات اور عنایات ہیں۔
یہ کہانی
لوح محفوظ میں جنم لینے والی اُس کُن کی صوت سرمدی کی ہے۔ جس نے خوابیدہ روحوں کو
ازل کی نیند سے جگا دیا۔
روح کے
تاروں پر عشق کے نغمات ابھرنے لگے۔ محبوب کے لبوں کا ہر نغمہ روح کی بانسری میں
سما گیا۔ نغمے کا ہر حرف روح کی زندگی بن گیا۔ عشق کے نشے میں سرشار روح ازل سے
ابد تک زندگی کے سفر پر محبوب کی کھوج میں دیوانہ وار چل پڑی۔ روح کی بانسری سے
نغمات عالمین میں بکھرتے رہے۔ سرِ دلبراں میں بھیگا ہوا۔ احمد بن جمال لوح محفوظ
کی پیشانی کا چندن بن کر جگمگانے لگا۔ نگاہِ خالقیت اپنے
جلوؤں کی خود نمائی پر جھوم جھوم
گئی ۔ کن کی ایک آواز صوت سرمدی کا ایک نغمہ روح کی ایک زندگی ازل سے ابد تک طالب
حق کا ایک سفر ' لوح محفوظ کی ایک رنگین کہانی ہے۔
جس میں
خالقیت کا جمال روح کی رعنائیوں کو گلے سے لگا کر صوت سرمدی کی تال پر رقصاں ہے۔
کاتب تقدیر کی ہر کن پر لوح محفوظ کی ایک کہانی جنم لیتی ہے۔ یہ کہانی بھی لوح
محفوظ کی کہانیوں میں سے ایک انمٹ کہانی
ہے۔ جو دل کے تاروں پر بار بار دہرائی
جانے والی ہے۔
یہ کہانی
روحانی ڈائجسٹ میں ایک تسلسل کے ساتھ شائع ہوئی۔ اور میں محترم وقار یوسف عظیمی
صاحب کے تعاون اور مہربانی سے اس کہانی کو کتابی شکل میں شائع کرنے کی جسارت کرتا
ہوں تا کہ سعیدہ خاتون عظیمی کی روح کو
تسکین ملے اور اُن کے روحانی مشن کی تکمیل ہو۔
باجی
محترمہ سیدہ سعیدہ خاتون عظیمی ۲۳ مارچ
بروز اتوار ۲۰۰۳ کو مانچسٹر (انگلینڈ ) میں رحلت فرما گئیں۔ انا للہ و انا الیہ
راجعون
اللہ
تعالیٰ سے دعاگو ہوں کہ وہ مرحومہ کو نبی کریم ﷺ کے صدقہ میں اپنے
جوار ِ رحمت میں جگہ عطا فرمائے اور پسماندگان کو صبر ِ جمیل عطا فرمائے۔
(آمین)
دعاگو جو
میاں مشتاق احمد
عظیمی
روحانی
فرزند
تاریخ اشاعت خواجہ
شمس الدین عظیمی
۱۷ اکتوبر ۲۰۰۸ مراقبہ
ہال ۱۵۸- مین بازار
٭٭٭
