دو (۲) نمبر عدد کی خصوصیات

اس عدد کا تعلق قمر سے ہے جو اچھے خیالات، بردباری، مددگارانہ صلاحیتوں پر دلالت کرتا ہے۔

دوستی

یہ دوستی کا مظہر ہے، اس عدد کی نوعیت مجہول اور مؤنث ہے۔

    جس طرح ایک نمبر عدد کے لوگ پختہ عزم اور ایفائے عہد رکھتے ہیں۔ اسی طرح با لکل اس کے برعکس اس عدد کے حامل تبدیلی پذیر طبع اور غیر مستقل مزاج ہوتے ہیں۔ فطرت پسند ہوتا ہے۔ اس کی رہنمائی احساس اور ضمیر کی آواز پر ہوتی ہے۔

تعمیری اوصاف

رفاقت ، بھروسہ کرنا، قوت متخیلہ ، غورو خوض، گھریلو سادگی، بھولا پن،اسقتلال و ہمت ،صبروتحمل ،سنجیدگی، وفاداری ، مقبولیت، غیر معمولی قوت برداشت کرنا۔

تخریبی اوصاف

جلد یقین کر لینا،حسد ۔ کثافت، شرمیلا پن،بے چینی ،وری میلان طبع،ٹال مٹول ، مایوسی ، فکر تردد، بےحوصلہ پن، شکی مزاج، بے حد ضد، ہر کام میں بحث کرنا۔

یہ عدد عورتوں کے نقطہ خیال کی نمائندگی کرتا ہے ۔ عورتیں جوش، ہیجان، دلی جذبہ ظاہر کرتی ہیں۔ یہ عدد مغعول ہے۔ اس کا حامل جس دوسرے عدد کے ساتھ ہوتا ہے اس کا اثر قبول کر لیتا ہے۔

چال چلن

یہ افراد نہایت بردبار اور سلجھے خیالات کے مالک ہوتے ہیں اور اپنی رائے کو موثر انداز میں ظاہر کرتے ہیں۔ غیر مصدقہ چیزوں کو اپنانے میں ہچکچاتے ہیں۔ صلح جو طبع کے مالک ہوتے ہیں۔ ایک ہی معاملے میں تحقیق کرتے  رہنا ان کی فطرت کے خلاف ہے۔ یہ جب کوئی عاقلانہ اقدام اُٹھاتے ہیں تو معجزاتی طور پر کامیابی سے ہمکنار ہوتے ہیں۔

خصوصیات

یہ لوگ کسی حد تک موجد بھی ہوتے ہیں۔ کسی کے اصول کو بخوشی قبول کر کے اپنا سکتے ہیں۔ یہ لیڈرانہ صلاحیتوں کے فقدان کا شکار ہو جاتے ہیں۔ یہ ایک فلسفی کی طرح دلائل پیش کرنے میں کافی مہارت رکھتے ہیں۔ اس امر کو زیادہ ترجیح دیتے ہیں جس میں ہمدردانہ خواہشات اور کارکردگی کو دخل زیادہ ہو۔اسی لیے یہ سماجی کارکن۔ مدد گار اور نرس کے پیشے اختیار کرنے کا مظاہرہ کرتے ہیں۔ ان کی فطرت کا تقاضا ہی یہی ہے کہ وہ ہر دکھی انسان کی دلجوئی کریں۔

زندگی کی مصروفیات

یہ لوگ دماغی۔ علمی ۔ تحقیقاتی کاموں میں دلچسپی لیتے ہیں۔ بلا سوچے کوئی کام نہیں کرتے۔ بڑے مہمان نواز ہوتے ہیں۔ طب، نرسنگ کے پیشے زیادہ پسند کرتے ہیں۔ ٹیچر، اکاؤنٹنٹ، سائنسی تحقیقات ادارے میں رہنا پسند کرتے ہیں۔ یہ لوگ بہت عرصہ تک ہمیشہ پریشان کن صورت حال کا شکار رہتے ہیں۔ یہ لوگ حاکمانہ  رتبوں کے لئے مناسب نہیں۔

 فطرت

یہ لوگ اپنی حالتوں کی جھلک ان لوگوں کو دکھانے کے لیے تیار رہتے ہیں جن سے نئی نئی ملاقات ہو اور پھر یہ ان پر فوقیت لے جاتے ہیں جن میں قوتِ برداشت نہیں ہوتی۔یہ خلوت پسندبھی  ہوتے ہیں۔ لوگوں سے کم ملتے ہیں اور یہ بات پسند کرتے ہیں کہ لوگ ان کا ذکر خیر کریں اور یہ بات گوارا نہیں کرتے کہ لوگ ان کی ہستی کو نظر انداز کر دیں اور اسے بالائے طاق رکھ دیں۔ شکریہ الفاظ کے معاملے میں یہ بات قبول نہیں کرتے مثلاً کسی جگہ نوکری ملی تو اپنی ملازمت ملنے کا شکریہ ادا نہیں کرتے۔

ان کے اندر شہرت کے حصول کا جذبہ نہیں ہوتا جتنا کہ قبول خدمات کا ہوتا ہے۔ اگر کوئی دوسرا آدمی ان کی خدمت کرنے کے لئے میدان میں آئے تو اس کو پریشانی لاحق ہو جاتی ہے اور اگر کوئی ان کی حالت پر توجہ نہ دے تو اضمحلال کا شکار ہو جاتے ہیں۔ یہ لوگ ہیجان کے زیرِ اثر بہت جلد آجاتے ہیں جس کسی سے ناراضگی کا اظہار کرتے ہیں تو دوسروں کو اپنے طریقے سے حیرت زدہ کر دیتے ہیں ۔ نتیجہ کی پرواہ نہیں کرتے۔ اپنی سفر کرنے والی کشتیوں میں آگ لگا دیتے ہیں کہ اب چاہے مریں یا فتح حاصل کریں۔

عورتیں

اس عدد کے زیرِ اثر عورتیں لوگوں کے جذبات مجروح کرنے والی کہانیوں سے گہری دلچسپی  لیتی ہیں اور انہیں قصے کہانیوں سے بہت محبت ہوتی ہے، ان عورتوں کو چاہیے کہ سکون و راحت کی قدر کریں۔

ایثار

یہ لوگ دوسروں کی تعریف بیان کرنے کی بجائے اپنے اوصاف بڑھا گھٹا کر بیان کرنا زیادہ پسند کرتے ہیں۔ یہ لوگ خود غرضانہ عمل اختیار نہیں کرتے۔ ان کی قوتِ متخیلہ بہت تیز ہوتی ہے اس سے فوراً فائدہ اُٹھانے کے لئے تیار ہو جاتے ہیں۔ یہ لوگ دوسروں کے متعلق پیشن گوئی کر سکتے ہیں لیکن اپنی ذات کے متعلق کچھ منصوبہ نہیں بنا سکتے ۔ یہ دوسروں کی بات پر جلد یقین کر لیتے ہیں۔

خاص صفت

یہ دوست مزاج اچھے ہوتے ہیں۔ ان میں روز تبدیلی ہوتی ہے۔ ان لوگوں کو ایسا سمندر کہا جا سکتا ہے جس کا مدو جذر اوپر سے تو ہوتا رہتا ہے لیکن گہرائی سے ویسا ہی پرسکون ہوتا ہے جیسے ہونا چاہیئے ان کی زندگی تبدیلیوں کا مظہر ہے ۔ یہ بے قرار لوگ ہیں۔ اپنی تجویزوں اور ارادوں پر یقین نہ رکھنا محتاط رہنا۔ ذاتی قربانی دینا۔ خیالات، سوچ بچار میں مگن رہنا ان کی صفات ہیں۔ یہ رومانی خیالات کے مالک ہوتے ہیں۔ عملی طور پر کچھ کرنے کی بجائے خیال تصوراتی کامرانی میں ڈوبے رہتے ہیں۔ نازک خیالی کا اعلیٰ نمونہ ہوتے ہیں۔ کم ترقی کر پاتے ہیں۔ کیونکہ ان کا نقطہ نظر ہی مختلف ہوتا ہے ، یہ لوگ کسی مجمع کی جان بھی ہو سکتے ہیں۔ کسی بھی تقریب میں مقرر کی تقریر  بڑی توجہ سے سنتے ہیں۔ یہ اپنی بساط کے مطابق وقت گزارتے ہیں ۔ کسی کے لیے باعثِ تکلیف بننا ان کی فطرت کے قطعی خلاف ہے۔ ہر علوم مخفی سے خاص شغف رکھتے ہیں۔ ہر علم کے متعلق ان کا علم سطحی ہوتا ہے۔

رومان

یہ لوگ بیوی کے دلدادہ ہوتے ہیں معاشرے کی ریڑھ کی ہڈی ہو سکتے ہیں۔ خوبصورتی کی پرستش کرتے ہیں۔ رومانی حدود پھلانگتے وقت فہم و فراست سے کام لیتے ہیں۔

مالی حالت

یہ لوگ مالی مدد بھی خوب کرتے ہیں۔ مقروض ہونا پسند نہیں کرتے روپے کے معاملے میں بہت ایماندار ہوتے ہیں اور روپیہ بچانا خوب جانتے ہیں۔

امراض

صاحب عدد دائم المریض ہوتا ہے۔ پیٹ کے امراض میں مبتلا رہتا ہے۔

جذبات پرستی

سیر و سفر کرنا،روحانی تعلقات  و بنیادی تعلقات حال واولادمعاون، بخل و سخاوت،انقلاب و خیانت ،قرضہ لین دین۔

 عمل راہ

آپ لوگ صبر کا دامن نہ چھوڑیں ۔ چاہے کتنی مشکلات کا سامنا کرنا پڑے اور دوسروں کے کاموں میں دخل اندازی نہ کریں۔ اپنے اوپر بھروسہ کریں اپنا کام  خود سر انجام دیں۔ خیالی پلاؤ مت پکائیں۔ اپنی آزادی کو قائم رکھیں۔ نکتہ چینی کی پرواہ نہ کریں۔ اپنے کام میں مگن رہیں۔ آپ عاشق مزاج ہیں۔ اپنے محبوب پر سب کچھ قربان کرنے کے لیے تیار رہتے ہیں۔ لیکن حد سے تجاوز نہ کریں ورنہ برباد ہو جائیں گے۔ثابت قدم رہیں۔

نکات

کسی بھی مہینے کی ۲، ۱۱، ۲۰، ۲۹ تاریخیں آپ کے لیے مبارک ہیں۔ پیر کا دن خوش قسمتی کا دن ہے۔ رنگوں میں ہلکا نیلا، سنہری، سفید ، سبز زیادہ موزوں ہیں۔ وبائی امراض سے بچنے کے لیے سونف چباتے رہیئے۔حجرالقمر، اوپل ، موتی، نیلم اور ہر چمکدار نگینہ آپ کے لیے مفید ہے۔

نارنگیاں ۔ کھجور۔کیلے۔فالسے۔آم زیادہ استعمال کیجیئے۔

یہ عدد مؤنث ۔ دن سوموار ۔ اطراف جنوب مشرق ،کونہ۔مالک فلک، اول، نحس و نیک۔ سعد اصغر۔ دھات چاندی، ذائقہ میٹھا ،حالت مشترک ۔ عنصراعداد بادی، آسمان کرسی۔ رنگ سبز و سفید ۔ سیارہ قمر۔ پتھر موتی۔ حجر القمر سے تعلق رکھتا۔ ۷۔

”۲“ عدد کا زائچہ

(برج سرطان ۔ ستارہ قمر)

جس شخص کے  نام کا مفرد عدد ”۲“ ہو  یا تاریخ  کا مفرد عدد ”۲“ ہو۔

    خانہ  نمبر (۲) اسد:۔ قمر میں خانہ میں آئے گا تو آمدن کم ہو جائے گی۔ خرید و فروخت میں نقصان ہوگا۔

    خانہ نمبر (۳) سنبلہ:۔ اپنے بہن بھائیوں سے مفاد ملے گا۔ سفر اچھا رہے گا۔

    خانہ نمبر (۴) میزان:۔ والدہ سے آرام ملے گا۔ کام جلد سر انجام ہوں گے۔

    خانہ نمبر (۵) عقرب:- علمی مفاد میں پریشانی ہوگی۔ قمر جب اس خانہ میں آئے گا تو محبت میں جدائی ہوگی۔

    خانہ نمبر(۶) قوس:- امراض سے نجات ملے گی۔ ماموں اور خالہ سے اچھے تعلقات ہوں گے۔

    خانہ نمبر (۷) جدی:-ازدواجی زندگی کم خوش حال رہے گی۔ سفر  سودا گری نفع نہ دے گی۔

    خانہ نمبر (۸) دلو:- ۵۔۱۵۔۱۶۔۲۴  سال میں حادثہ کا خطرہ ہے۔

    خانہ نمبر(۹) حوت:- تمام کام بہتر ہوں گے۔

    خانہ نمبر (۱۰) حمل:- ہر کام میں پریشانی اور رکاوٹ ہوگی۔

    خانہ نمبر(۱۱) ثور:- ہر کام مفید رہے گا۔ دوستوں سے نفع ہوگا۔ آمدنی بڑھے گی۔

    خانہ نمبر(۱۲)جوزا:- تمام امور سر انجام ہو جائیں گے۔کم نفع ہوگا۔

مندرجہ بالا باتیں اس وقت واقع ہوں گے جب قمر اسی خانہ اور برج میں آئے گا۔

    سرور عالم ؐاور ”۲“ نمبر عدد

    محمدؐ                                            ۹۲             -              ۲

    رسول اللہؐ                                    ۲۶۳          -              ۲

    خاتم الانبیاءؐ                                  ۱۱۳۶         -              ۲

    قیامت                                       ۵۵۱          -              ۲

    عرب کا مختصر عدد                                           -              ۲

    سکہ کا عدد                                                    -              ۲

    معظمہ                                                        -              ۲

    مدینہ (یثرب)                                              -              ۲

    منورہ                                                         -              ۲

    ازواج مطہرات                                            ۱۱             -              ۲

    خدیجہ                                                        -              ۲

    آپ کی عمر                                   ۲۵

    خدیجہ کی عمر                                 ۴۰            -              ۲

                                                    ۶۵

حِرا                                            ۲۰۹          -              ۲

    وصال                                        ۶۳            -              ۲

    علی                                                             -              ۲

    خیبر (قلعہ)                                                  -              ۲

    رمضان                                       ۱۰۹۱          -              ۲

    قرآن مجید اور ”۲“ کا عدد

    قرآن مجید کے کل حروف                 ۴۲۱۲۶۵    =             ۲

    قرآن مجید کے کل کلمات جملے            ۷۶۴۳۰     =             ۲

    قرآن مجید میں الف                       ۴۸۸۷۲    =             ۲

    قرآن مجید میں ت                         ۱۱۹۹          =             ۲

    قرآن مجید میں ف                       ۸۴۹۹        =             ۲

    قرآن مجید میں ء                            ۴۱۱۵         =             ۲

    قرآن مجید میں پیش                        ۸۸۰۴       =             ۲

جسمانی اعضاء اور ”۲“ کا عدد

    کان                                                           ۲

    آنکھیں                                                      ۲

    ناک کے نتھنے                                                               ۲

    ہاتھ                                                           ۲             

    پاؤں                                                         ۲

    ہاتھ پاؤں کی انگلیاں (مفرد)                                              ۲             

    گردے                                                      ۲

    پھیپھڑے                                                   ۲